Post News Media ព័ត៌មានជាតិ កម្លាំងនគរបាល...

កម្លាំងនគរបាលខណ្ឌជ្រោយចង្វាឃាត់ខ្លួនជនសង្ស័យ ២នាក់ ពីបទ ជួញដូរគ្រឿងដោយខុសច្បាប់

ចែកចាយបន្ត

ភ្នំពេញ: ជនសង្ស័យ ២នាក់ រួមជាមួយនិងថ្នាំញៀន ៦កញ្ចប់ ត្រូវកម្លាំងនគរបាលខណ្ឌជ្រោយចង្វា​ធ្វើការល្បាតនិងឃាត់ខ្លួនបាននៅវេលាម៉ោង ៤និង៣០នាទីល្ងាច ថ្ងៃទី០៦ ខែតុលា ឆ្នាំ២០១៦ នៅចំណុចផ្លូវម៉ាស៊ីនទឹក ក្រុម៣ ភូមិ៣ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។

ជនសង្ស័យទី១ ឈ្មោះ ងឿង ចាន់ណា ភេទប្រុស អាយុ ១៦ឆ្នាំ មុខរបរ កសិករ និងទី២ ឈ្មោះ ជាង ប៉ង ភេទប្រុស អាយុ ១៨ឆ្នាំ មុខរបរ កសិករ បច្ចុប្បន្នអ្នកទាំង ២នាក់ មានទីលំនៅភូមិជ្រៃ ឃុំរការ ស្រុកពារាំង ខេត្តព្រៃវែង ។

សមត្ថកិច្ចបានប្រាប់ឲ្យដឹងថា នៅល្ងាចថ្ងៃទី៦ ខែតុលា ឆ្នាំ២០១៦ កម្លាំងសមត្ថកិច្ចយើងបានធ្វើការជិះល្បាតនៅក្នុងមូលដ្ឋាន ដើម្បីការពារសុវត្ថិភាពជូនបងប្អូនប្រជាពលរដ្ឋ ខណ:ពេលដែលកំពុងជិះល្បាត ស្រាប់តែបានប្រទះឃើញជនសង្ស័យ ២នាក់ ជិះម៉ូតូ មួយគ្រឿង ម៉ាក ហុងដាឌ្រីមសង់ សេ១២៥ ស៊េរី២០១៤ ពណ៌ខ្មៅ ពាក់ស្លាកលេខ ភ្នំពេញ 1CD-9839 ។

ភ្លាមៗនោះ កម្លាំងសមត្ថកិច្ចបានធ្វើការឃាត់សួរនាំ និងបានឆែកឆេររកឃើញនៅម្សៅក្រាមពណ៌(ស)ថ្លា ចំនួន ៦កញ្ចប់ ជាប្រភេទ ម៉ាទឹកកក ។

បច្ចុប្បន្នជនសង្ស័យទាំង ២នាក់ខាងលើ រួមនឹងវត្ថុតាង ត្រូវសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយ​ចង្វា ដើម្បីកសាងសំណុំរឿង បញ្ជូនទៅកាន់តុលាការចាត់ការតាមនីតិវិធីច្បាប់៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន