Post News Media ព័ត៌មានជាតិ ព្រះសង្ឃនាំយក...

ព្រះសង្ឃនាំយកគ្រឿងឧបភោគ បរិភោគចែកជូនដល់ទណ្ឌិត និងពិរុទ្ធជនក្នុងពន្ធនាគារ

ចែកចាយបន្ត

រតនគិរី: នៅរសៀលថ្ងៃទី៦ ខែតុលា ឆ្នាំ២០១៦ ព្រះគ្រូសូត្រឆ្វេង រេន សុភា គង់នៅវត្ត ឥសាន រតនារាម ភ្នំស្វាយ បានដឹកនាំព្រះសង្ឃនាំយកគ្រឿងឧបភោគ បរិភោគចែកជូនដល់ទណ្ឌិត និងពិរុទ្ធជនចំនួន៣០០នាក់ នៅក្នុងពន្ធធានាគារ ខេត្តរតនគិរី។

ព្រះតេជគុណ រេន សុភា មានសង្ឃដីការថា សម្ភារ:ជាគ្រឿងឧបភោគ បរិភោគដែលយកចែកជូនទណ្ឌិតនិងពិរុទ្ធជននាពេលនេះ គឺបានមកពីពុទ្ធបរិស័ទប្រគេនព្រះសង្ឃ អំឡុងពេលបុណ្យកាន់បិណ្ឌភ្នំបិណ្ឌកន្លងមកនេះ អំណោយដែលនាំយកមក​ចែកជូននា​ពេល​នេះ រួមមាន ទឹកដោះគោឆៅ ស្កសរ តែ នំបុ័ង កាហ្វេជាដើម។

ព្រះតេជគុណ រេន សុភា បន្តថា ដើម្បីរួមចំណែកសម្រួលដល់ការលំបាករបស់ពន្ធនាគា ព្រះគ្រូនៅអធិការវត្ត តែងតែផ្តល់គ្រឿង​ឧបភោគ បរិភោគ ដល់អ្នកជាប់ពន្ធនាគាជារៀងរាល់ពេល មានបុណ្យទានធំៗដូចភ្នុំបិណ្ឌ បុណ្យចូលឆ្នាំខ្មែរជាដើម។

លោកឧត្តមសេនីយ៍ត្រី ទិន សុវណ្ណនី ប្រធានពន្ធនាគាខេត្តរតនគិរី បានថ្លែងអំណរគុណយ៉ាងជ្រាលជ្រៅ ចំពោះព្រះគ្រូចៅ​អធិការ​វត្តភ្នំស្វាយ ដែលបានគិតគូរ យកចិត្តទុកដាក់ចំពោះទណ្ឌិត នឹងពិរុទ្ធជន។ លោកបន្តថា ឲ្យតែមានពិធីបុណ្យធំៗ លោកតែងតែ​និមន្ត​ព្រះសង្ឃមកសម្តែងធម៌ទេសនា ជូនដល់អ្នកជាប់ពន្ធនាគា ទាំងអស់បានស្តាប់ហើយក៏ជាការផ្តល់ឱកាសឲ្យពួកគេ​បានធ្វើ​បុណ្យ ធ្វើការផងដែរ ៕

អំណោយព្រះសង្ឃ

អំណោយព្រះសង្ឃ

អំណោយព្រះសង្ឃ

អំណោយព្រះសង្ឃ

អំណោយព្រះសង្ឃ