Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យម្នាក់ តាមដីការបស់តុលាការ ពីបទជួញដូរគ្រឿងញៀន

ចែកចាយបន្ត

ឧត្តរមានជ័យ: នៅវេលាម៉ោង០៩ និង៣០នាទី ថ្ងៃទី០៧ ខែតុលា ឆ្នាំ២០១៦ នេះកម្លាំងអធិការដ្ឋាន​នគរបាល​​ស្រុកអន្លង់វែង ចុះឃាត់ខ្លួនជនសង្ស័យម្នាក់ តាមដីកាបង្គាប់របស់តុលាការ ពាក់ព័ន្ធក្នុងករណីជួញដូរគ្រឿងញៀន ។

លោក វរសេនីយ៍ទោ ស៊ីម វណ្ណ: អធិការដ្ឋាននគរបាលស្រុកអន្លង់វែង បានឲ្យដឹងថា ដោយអនុវត្តតាមដីកាបង្គាប់ឲ្យចាប់ខ្លួន លេខ​០៤៨ ត.ព្រ ចុះថ្ងៃទី២៥ ខែសីហា ឆ្នាំ២០១៦ របស់លោក ផេង កុសល ចៅក្រមស៊ើបសួរ នៃសាលាដំបូង ខេត្តឧត្តរ​មានជ័យ​។

កម្លាំងរបស់លោក បានធ្វើការចាប់ខ្លួន ជនសង្ស័យម្នាក់ ឈ្មោះ ឆែម ញិប ភេទប្រុស អាយុ២៦ឆ្នាំ រស់នៅភូមិស្រះឈូក ឃុំ​ត្រពាំងប្រីយ៍ ស្រុកអន្លង់វែង នៅចំណុច ផ្ទះរបស់ជនសង្ស័យ ស្ថិតនៅភូមិឃុំខាងលើ ពាក់ព័ន្ធនឹងករណីជួញដូរដោយខុសច្បាប់​នូវ​សារធាតុញៀន នៅភូមិទួលត្បែង ឃុំត្រពាំងប្រីយ៍ ស្រុកអន្លង់វែង កាលពីថ្ងៃទី១២ ខែមេសា ឆ្នាំ២០១៦ ។

បច្ចុប្បន្ន ជនសង្ស័យត្រូវបានបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី ៕

ចាប់តាមដីកា

ចាប់តាមដីកា

ចាប់តាមដីកា