Post News Media ព័ត៌មានជាតិ បញ្ជូន​ខ្លួន​...

បញ្ជូន​ខ្លួន​ជនសង្ស័យ​​២​នាក់​​ ​ទៅ​តុលាការ​ ពាក់ព័ន្ធ​គ្រឿងញៀន

ចែកចាយបន្ត

សៀមរាប: ​​ជនសង្ស័យ​​ចំនួន​​២​នាក់ ​រួម​នឹង​វត្ថុតាង​ ​ត្រូវ​បាន​កម្លាំង​នគរបាល​ប្រឆាំង​គ្រឿង​ញៀន ​​​កសាង​សំណុំរឿង​​ បញ្ជូន​​ទៅកាន់​តុលាការ​ ​នៅ​រសៀល​ថ្ងៃទី​០៧ ​ខែតុលា ឆ្នាំ​២០១៦​នេះ ដើម្បី​ឲ្យ​ច្បាប់​​​ចាត់ការ​បន្ដ​។

​សូមបញ្ជាក់ថា ​ជនសង្ស័យ​ ទាំង​២នាក់​​ ត្រូវ​បាន​កម្លាំង​នគរបាល​ប្រឆាំង​គ្រឿងញៀន​ ​ឃាត់ខ្លួន​កាលពី​វេលា​ម៉ោង​២១ និង​៤០​នាទីយប់​ ថ្ងៃទី​៦ ​ខែតុលា ឆ្នាំ​២០១៦ នៅ​ចំណុច​ភូមិស្លក្រាម ​សង្កាត់​ស្លក្រាម ​ក្រុងសៀមរាប ខេត្តសៀមរាប ​ដោយ​ដកហូត ​បាន​គ្រឿងញៀន ​(​ម៉ា​ទឹកកក​) ៣​កញ្ចប់ ដែល​មាន​ទម្ងន់​ស្មើ​នឹង​០.២ ក្រាម ​និង​ម៉ូតូ​មួយ​គ្រឿង ។

លោក​វ​រ​សេនីយ៍​ទោ ​អ៊ុ ​សា​អាត​ នាយការិយាល័យ​ប្រឆាំង​គ្រឿងញៀន​ បាន​ឲ្យ​ដឹងថា ​ជនសង្ស័យ​ដែល​ឃាត់ខ្លួន​បាន ​ទី​១. ឈ្មោះ សោម ​រចនា ​ភេទ​ប្រុស អាយុ ១៦​ឆ្នាំ ​ទីលំនៅ​ ភូមិ​វត្ត​បូព សង្កាត់​សាលា​កំរើក​ ក្រុង​សៀមរាប ​ពី​បទ​រក្សាទុក​ ​និង​មាន​សា​រធាតុ​ញៀន​ក្នុង​ខ្លួន ទី​២. ឈ្មោះ ស្នា​ ចិន្តា​ ភេទ​ប្រុស អាយុ ១៨​ឆ្នាំ​នៅ​ភូមិវត្ត​បូ​ព សង្កាត់​សាលា​កំរើក ​ក្រុង​សៀមរាប ​ពីបទ​រក្សាទុក​ និង​មាន​សា​រធាតុ​ញៀន​ក្នុង​ខ្លួន​។

ក្នុង​ប្រតិបត្តិការ​នេះ​ សមត្ថកិច្ច​​បាន​ ដកហូត​បាន​គ្រឿងញៀន (​ម៉ា​ទឹកកក​) ៣​កញ្ចប់ ​និង​សម្ភារ:​សម្រាប់ ​ជក់​មួយ​ចំនួន ​។ ​បច្ចុប្បន្ន​ សមត្ថកិច្ច​ បាន​កសាង​សំណុំរឿង​ជនសង្ស័យ​ទាំង​២​នាក់ ​រួម​នឹង​វត្ថុតាងបញ្ជូន​ទៅកាន់​តុលាការ​ នៅ​រសៀល​ថ្ងៃទី​០៧ ខែតុលា ឆ្នាំ​២០១៦​នេះ​ ដើម្បីចាត់ការ​តាមច្បាប់​៕

គ្រឿងញៀន

គ្រឿងញៀន

គ្រឿងញៀន