Post News Media ព័ត៌មានជាតិ លោក ថោង ខុន ជ...

លោក ថោង ខុន ជំរុញក្រុមនាវាយុវជនអាស៊ីអាគ្មេយ៍កម្ពុជាផ្សព្វផ្សាយពីសក្តានុពលទេសចរណ៍កម្ពុជា

ចែកចាយបន្ត

ភ្នំពេញ: លោក ថោង ខុន រដ្ឋមន្ត្រីក្រសួងទេសចរណ៍ បានថ្លែងជំរុញឲ្យក្រុមនាវាយុវជនអាស៊ីអាគ្មេយ៍កម្ពុជា ដែលត្រូវទៅចូលរួមនៅក្នុងកម្មវិធីវាយុវជនអាស៊ីអាគ្នេយ៍ និងជប៉ុន នាថៃ្ងទី២៥ ខែតុលា ខាងមុខនេះ ចូលរួមឃោសនាផ្សព្វផ្សាយពីតំបន់សក្តានុពលទេសចរណ៍របស់កម្ពុជា ដល់យុវជនបណ្តាប្រទេសអាស៊ាន ដែលរួមដំណើរក្នុងកម្មវីធី នាវាយុវជនអាស៊ីអាគ្នេយ៍ និងជប៉ុន ពិសេស គឺយុវជនជប៉ុន ដើម្បីទាក់ទាញឲ្យពួកគេចាប់អារម្មណ៍មកទេសចរណ៍ និងមកបោះទន់វិយោគនៅកម្ពុជា។

លោករដ្ឋមន្ត្រីបានជំរុញបែបនេះ គ្រាដែលក្រុមប្រតិភូនាវាយុវជនអាស៊ីអាគ្មេយ៍កម្ពុជាចំនួន២៩នាក់ ចូលជួបសម្ដែងការគួរសម និងជម្រាបពីតំណើរទស្សន:កិច្ច ក្នុងកម្មវីធី នាវាយុវជនអាស៊ីអាគ្នេយ៍ និងជប៉ុន នាព្រឹកថៃ្ងទី៧ ខែតុលា ឆ្នាំ២០១៦ នៅទីស្តីការក្រសួងទេសចរណ៍។

លោករដ្ឋមន្ត្រីបានបញ្ជាក់ថា “ក្រុមនាវាយុវជនអាស៊ីអាគ្មេយ៍កម្ពុជា ដែលត្រូវបានក្រសួងអប់រំយុវជន និងកីឡាជ្រើសរើសឲ្យទៅចូលរួមនៅក្នុងកម្មវីធី នាវាយុវជនអាស៊ីអាគ្នេយ៍ និងជប៉ុននាពេលនេះ គឺជាប្រតិភូតំណាងឲ្យប្រទេសកម្ពុជាទាំងមូល ដូច្នោះប្អូនៗ ក្មួយទាំងៗត្រូវចេះស្រលាញ់គ្នា សាមគ្គីគ្នា រួមជាធ្លុងតែមួយ ក្រោមពាក្យចាស់ពោលថា នៅផ្ទះម្តាយទីទៃ ទៅព្រៃម្តាយតែមួយ ហើយត្រូវចេះ បង្កើតកិច្ចសហការជាមួយយុវជនជប៉ុន និងយុវជនបណ្តាប្រទេសផ្សេងៗទៀតដែលរួមដំណើរក្នុងកម្មវិធីនេះឲ្យបានស្អឹតរមួត ដើម្បីបញ្ជាក់ពីតម្លៃ សិល៍ធម៍ អរីយធម៍ខ្ពងខ្ពស់របស់កម្ពុជា ទៅកាន់យុវជនទាំងអស់នោះ”។ លោករដ្ឋមន្ត្រី បន្ថែមទៀតថា អ្វីដែលពិសេសទៀតនោះ ត្រូវធ្វើការផ្សព្វផ្សាយតំបន់ទេសចរណ៍សំខាន់ៗ និងការអភិវឌ្ឍន៍របស់កម្ពុជា នារយ:ពេលប៉ុន្មានឆ្នាំចុងក្រោយនេះ ទៅកាន់យុវជនដែលរួមដំណើរ ដើម្បីទាក់ទាញចំណាប់អារម្មណ៍ របស់ពួកគេចង់មកទេសចរណ៍ និងមកបោះទន់វិនិយោគនូវលើទឹកដីកម្ពុជា នាពេលខាងមុខ ។ជាមួយគ្នានោះយុវជនកម្ពុជាត្រូវតែនិយាយល្អៗពីកម្ពុជាទៅកាន់យុវជនរួមដំណើរ ដើម្បីបញ្ជាក់ប្រាប់គេថា កម្ពុជាជាប្រទេសដែលមានសុខសន្តិភាព ស្ថេរភាព ការរីកចំរើនគ្រប់វិស័យ ។

លោក ស៊ាង សុលក្ខណ៍ ប្រធានក្រុមនាវាយុវជនអាស៊ីអាគ្មេយ៍កម្ពុជា បានឲ្យដឹងផងដែរថា ក្រុមនាវាយុវជនអាស៊ីអាគ្មេយ៍កម្ពុជាដែលត្រូវទៅចូលរួមក្នុងកម្មវីធី នាវាយុវជនអាស៊ីអាគ្នេយ៍ និងជប៉ុន លើកនេះ មានចំនួន២៩នាក់ និងត្រូវចេញដំណើរនៅថៃ្ង ទី២៥ ខែ តុលា ឆ្នាំ២០១៦ បញ្ចប់ត្រលប់មកវិញនូវថៃ្ង ទី២៥ ខែធ្នូ ដែលធ្វើដំណើររួមគ្នាជាប្រទេសអាស៊ានទាំង១០ បូកជាមួយជប៉ុន ក្នុងរយ:ពេល៥២ថៃ្ង ដោយជិះកាបាល់ឆ្លងកាត់សមុទ្រប៉ាស៊ីហ្វិច។កម្មវិធី នាវាយុវជនអាស៊ីអាគ្មេយ៍ និងជប៉ុនត្រូវបានបង្កើតឡើងក្រោមគំនិតផ្តួចផ្តើមរបស់រដ្ឋាភិបាលជប៉ុន និងសមាជិកស្ថាបនិកទាំង៥របស់អាស៊ាន ឆ្នាំ១៩៧៤ ហើយបច្ចុប្បន្នមានការចូលរួមគាំទ្ររដ្ឋាភិបាលនៃប្រទេសអាស៊ានទាំង១០៕

photo_2016-10-07_15-29-35

photo_2016-10-07_15-29-28

photo_2016-10-07_15-29-29

photo_2016-10-07_15-29-31

photo_2016-10-07_15-29-33