Post News Media ព័ត៌មានជាតិ ឆក់កាបូបបានហើ...

ឆក់កាបូបបានហើយ តែគេចខ្លួនមិនរួច

ចែកចាយបន្ត

ភ្នំពេញ: បងប្អូនស្រីពីរនាក់ ជិះម៉ូតូត្រឡប់មកពីស្រុកកំណើតនៅខេត្តស្វាយរៀង ខណ:មកចំណុចសាលាប៊ែលធីផ្លូវ៣៥៣ ស្រាប់តែលេចមុខជនសង្ស័យជិះម៉ូតូ២-៣ គ្រឿងធ្វើសកម្មភាពឆក់កាបូបបានសម្រេច ហើយព្យាយាមជិះគេចខ្លួន ក៏ត្រូវកម្លាំងល្បាតប៉ុស្តិ៍បឹងកក់១ ដេញចាប់បាន២នាក់ភ្លាមៗតែម្ដង។

ហេតុការណ៍ខាងលើនេះបានកើតឡើងកាលពីវេលាម៉ោង២និង៥០នាទីរសៀលថ្ងៃទី០៦ ខែតុលា ឆ្នាំ២០១៦ នៅចំណុចមុខសាលាប៊ែលធី ផ្លូវ៣៥៣ កែងផ្លូវ៥៩៨ ភូមិ១ ក្រុម១ សង្កាត់បឹងកក់១ ខណ្ឌទួលគោក រាជធានីភ្នំពេញ។

ជនសង្ស័យដែលសមត្ថកិច្ចឃាត់បានមានឈ្មោះសុខ ណា ភេទប្រុស អាយុ១៦ឆ្នាំ មុខរបរសិស្ស ស្នាក់នៅផ្លូវបេតុងសង្កាត់ភ្នំពេញថ្មី ខណ្ឌសែនសុខ និងម្នាក់ទៀតឈ្មោះ ជុំ សិលា ភេទប្រុស អាយុ១៧ឆ្នាំ មុខរបរសិស្សស្នាក់នៅផ្លូវបេតុង សង្កាត់ភ្នំពេញថ្មី ខណ្ឌសែនសុខ។ ចំណែកជនរងគ្រោះឈ្មោះ ស៊យ សាវ៉ែ ភេទស្រី អាយុ៣១ឆ្នាំ មានមុខរបរជាកម្មការនីរោងចក្រPTS  ហើយស្នាក់នៅផ្ទះក្បែររោងចក្រ  មានស្រុកកំណើតនៅភូមិព្រៃរកា ឃុំដូនស ស្រុកស្វាយជ្រុំ ខេត្តស្វាយរៀង។

បច្ចុប្បន្នជនសង្ស័យទាំង២នាក់ ត្រូវបានកម្លាំងនគរបាលនាំមកសាកសួរបណ្ដោះអាសន្ននៅប៉ុស្តិ៍រដ្ឋបាលបឹងកក់១ ដើម្បីចាត់ការតាមនីតិវិធី៕

photo_2016-10-07_16-10-56

photo_2016-10-07_16-10-51

photo_2016-10-07_16-10-52

photo_2016-10-07_16-10-53

photo_2016-10-07_16-10-55