Post News Media ព័ត៌មានជាតិ ថ្ងៃទី១លើទឹកដ...

ថ្ងៃទី១លើទឹកដីអូស្រ្តាលី លោក ហ៊ុន ម៉ាណែត ជួបពិភាក្សាការងារជាមួយសមាជិកសភានៅរដ្ឋVictory

ចែកចាយបន្ត

ភ្នំពេញ: នៅក្នុងដំណើរទស្សនកិច្ចថ្ងៃទី១នៅក្នុងប្រទេសអូស្ត្រាលី លោក ហ៊ុន ម៉ាណែត បានដឹកនាំក្រុមការងារចូលជួបសម្តែងការគួសម និងពិភាក្សាការងារជាមួយលោក Graham WATT សមាជិកសភានៅរដ្ឋVictory របស់ប្រទេសអូស្ត្រាលី។

នៅក្នុងជំនួបនោះ លោក ហ៊ុន ម៉ាណែត បានបង្ហាញពីគោលបំណងនៃការដឹកនាំគណ:ប្រតិភូក្រុមការងារយុវជនជននៅក្នុងប្រទេសអូស្ត្រាលីគឺក្នុងគោលបំណងជួបជុំសួរសុខទុក្ខបងប្អូនប្រជាជនខ្មែរដែលរស់នៅសហគមខ្មែរនៅក្នុងប្រទេសអូស្ត្រាលី ហើយក្នុងឱកាសនោះលោកបានបង្ហាញពីប្រវត្តិអតីតកាលរបស់កម្ពុជាដែលបានជួបប្រទះនូវសង្គ្រាមអស់រយ:ពេលជាច្រើនឆ្នាំ ហើយមកដល់ពេលនេះប្រទេសកម្ពុជាបានទទួលសុខសន្តិភាពពេញលេញនិងមានការអភិវឌ្ឍ។ លោក ហ៊ុន ម៉ាណែតបានពីការរបៀបរបបដឹកនាំរបស់រាជរដ្ឋាភិបាលស្របច្បាប់បច្ចុប្បន្នដែលមានព្រះមហាក្សត្រជាប្រមុខរដ្ឋ។

ជាការឆ្លើយតបលោកGraham WATT បានស្វាគមន៍ដំណើរទស្សនកិច្ចរបស់ក្រុមការងារយុវជនដើម្បីសួរសុខទុក្ខបងប្អូនប្រជាជនខ្មែរដែលរស់នៅសហគមខ្មែរនៅក្នុងប្រទេសអូស្ត្រាលីនេះ។ លោកGraham ក៏បានចាប់អារម្មណ៍និងមោទនភាពចំពោះការរីចម្រើនរបស់ប្រទេសកម្ពុជានិងសក្តានុពលនៃការវោនិយោគនៅក្នុងប្រទេសនេះ។ នាឱកាសនោះដែរលោកGraham WATT បានបង្ហាញអារម្មណ៍សប្បាយរីករាយនឹងទៅទស្សនកិច្ចនៅក្នុងប្រទេសកម្ពុជានៅពេលវេលាសមស្របណាមួយនៅពេលខាងមុខ។

បន្ទាប់មកលោក ហ៊ុន ម៉ាណែត បានប្រគល់វត្ថុអានុស្សាវរីយ៍រូបល្ពៅធ្វើអំពីប្រាក់ជូនលោកGraham WATTផងដែរ។ សូមបញ្ជាក់ថាដំណើរទស្សនកិច្ចនេះ គឺមានរយ:ពេល១៣ថ្ងៃ គឺគិតចាប់ពីថ្ងៃទី០៦ ដល់ថ្ងៃទី១៩ ខែតុលា ឆ្នាំ២០១៦ គឺក្នុងគោលបំណងជួបជុំសួរសុខទុក្ខប្រជាជនខ្មែរដែលរស់នៅប្រទេសអូស្ត្រាលី និងប្រទេសញ៉ូហ្សឺឡែន និងជួបមន្ត្រីរដ្ឋាភិបាលនិងសមាជិកសភាអូស្ត្រាលីផងដែរ៕

photo_2016-10-07_23-17-04

photo_2016-10-07_23-17-07

photo_2016-10-07_23-17-09

photo_2016-10-07_23-17-11

photo_2016-10-07_23-17-13

photo_2016-10-07_23-17-15

photo_2016-10-07_23-24-03

photo_2016-10-07_23-24-05

photo_2016-10-07_23-24-07

photo_2016-10-07_23-24-08

photo_2016-10-07_23-24-10

photo_2016-10-07_23-24-12

photo_2016-10-07_23-24-14