Post News Media ព័ត៌មានជាតិ បើករថយន្តដឹកទ...

បើករថយន្តដឹកទំនិញ ងោកមួយភាំងទៅបុកគល់ស្ពានអាកាស៥មករា រងការខូចខាត

ចែកចាយបន្ត

ភ្នំពេញ: គ្រោះថ្នាក់ចរាចរណ៍មួយបានកើតឡើង បន្ទាប់ពីបុរសម្នាក់បានបើករថយន្តស៊ាំយ៉ុងដឹកទំនិញមួយគ្រឿង អស់កម្លាំងងោកមួយភាំងក៏រេចង្កូតទៅបុកនឹងគល់ស្ពានអាកាស៥មករា បណ្តាលឲ្យរងការខូចខាត ។ ហេតុការណ៍នេះបានកើតឡើងកាលពីវេលាម៉ោង១និង៤០ នាទី យប់រំលងអាធ្រាតឈានចូលថ្ងៃទី៨ ខែតុលា ឆ្នាំ២០១៦ នៅតាមបណ្តោយផ្លូវលេខ ២៨៩ ក្នុងសង្កាត់ ទឹកល្អក់១ ខណ្ឌទួលគោក រាជធានីភ្នំពេញ។

បើយោងតាមសម្តីរបស់អ្នកបើកបរថយន្តខាងលើ បានឲ្យដឹងថា មុនពេលកើតហេតុ គាត់បានបើកបររថយន្តមួយគ្រឿងម៉ាក ស៊ាំយ៉ុង ពណ៌ស្លែ ពាក់ស្លាកលេខ កំពង់ឆ្នាំង 1A-1114 ដោយធ្វើដំណើរតាមបណ្តោយផ្លូវលេខ២៨៩ ក្នុងទិសដៅពីជើងទៅត្បូង ដោយគាត់ទើបបើកដឹកទំនិញមកពីខេត្តឆ្ងាយនៅក្នុងប្រទេសថៃ លុះបានមកដល់ចំណុចកើតហេតុ គាត់ងងុយដេកក៏ងោកមួយភាំង ធ្វើឲ្យរេចង្កួចរថយន្តទៅ បុកនឹងគល់ស្ពានតែម្តង ប៉ុន្តែសំណាងល្អមិនបណ្តាលឲ្យគាត់ ឬនរណាម្នាក់រងរបួសនោះឡើយ ចំណែករថយន្តក៏ខ្ទិចមួយកំណាត់មុខ គល់ស្ពានវិញក៏ខូចខាតបន្តិចបន្តួចផងដែរ ។

ក្រោយពេលកើតហេតុខាងសមត្ថកិច្ចនគរបាលចរាចរណ៍មូលដ្ឋាន បានចុះមកធ្វើការវាស់វែង យករថយន្តខាងលើនេះទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំម្ចាស់រថយន្តមកធ្វើការដោះស្រាយទៅតាមនិតីវិធីច្បាប់៕

គ្រោះថ្នាក់ចរាចរ

គ្រោះថ្នាក់ចរាចរ

គ្រោះថ្នាក់ចរាចរ

គ្រោះថ្នាក់ចរាចរ

គ្រោះថ្នាក់ចរាចរ

គ្រោះថ្នាក់ចរាចរ

គ្រោះថ្នាក់ចរាចរ