Post News Media ព័ត៌មានជាតិ ស្នងការ​នគរបា...

ស្នងការ​នគរបាល​ខេត្ត​កំពង់ចាម ​បើក​ដំណើរការ​ប្រឡងជ្រើសរើសមន្ត្រី​នគរបាល​ជាតិ​ឆ្នាំ​២០១៦

ចែកចាយបន្ត

កំពង់ចាម: នៅព្រឹកថ្ងៃទី៩ តុលា ២០១៦ ស្នងការនគរបាលខេត្តកំពង់ចាម បានបើកដំណើរការប្រឡងជ្រើសរើសមន្ត្រីនគរបាលជាតិឆ្នាំ២០១៦ របស់ក្រសួងមហាផ្ទៃ ដើម្បីឲ្យចូលបម្រើការងារក្នុងក្របខ័ណ្ឌក្រសួង ដែលធ្វើឡើងនៅវិទ្យាល័យព្រះសីហនុ ក្រុងកំពង់ចាម។

ក្នុងការបើកដំណើរការប្រឡងនោះ គឺមានការចូលរួមត្រួតពិនិត្យដោយលោកនាយឧត្តមសេនីយ៍ សេង ផល្លី ប្រធានបណ្ឌិតសភានគរបាលកម្ពុជា លោក ជឹម លាវ អភិបាលរងខេត្តកំពង់ចាម លោកឧត្ដមសេនីយ៍ទោ បែន រ័ត្ន ស្នងការនគរបាលខេត្តកំពង់ចាម និងមន្ត្រីនគរបាលជាច្រើនរូបទៀត។

ចំណែកឯបេក្ខជនចូលរួមមានចំនួន៨៩២នាក់ ស្រីចំនួន៣៤៥នាក់ ដែលត្រូវជ្រើសរើសយកតែចំនួន១៩០នាក់ប៉ុណ្ណោះឲ្យចូលបម្រើការងារក្នុងក្របខ័ណ្ឌមន្ត្រីនគរបាលជាតិ។

ក្នុងនោះលោកនាយឧត្តមសេនីយ៍ សេង ផល្លី ប្រធានបណ្ឌិតសភានគរបាលកម្ពុជា បានអនុញ្ញាតឲ្យបេក្ខជន ត្រួតពិនិត្យមើលលើហិបដាក់វិញ្ញាសារថា វាមានភាពមិនប្រក្រតីកើតឡើង ឬទេ ប្រសិនគ្មានឲ្យបេក្ខជនសរសេរឈ្មោះលេខតុ និងចុះហត្ថលេខាលើវិញ្ញាសារនោះផងដែរ ។ បន្ទាប់មកយក វិញ្ញាសារទាំងនោះត្រឡប់មកបន្ទប់គណ:កម្មការកណ្តាល ដើម្បីបែងចែកវិញ្ញាសារទៅតាមបន្ទប់ប្រឡង។

ក្នុងនោះគេសង្គេតឃើញថា ក្រុមការងាររៀបចំប្រឡងថ្នាក់ខេត្ត បានចូលរួមសម្របសម្រួលក្រុមការងារបច្ចេកទេសមកពីក្រសួងមហាផ្ទៃផងដែរ។ បរិយាកាសនឹងស្ថានភាពទូទៅមានប្រក្រតីភាពធម្មតា៕

photo_2016-10-09_10-10-43

photo_2016-10-09_10-10-21

photo_2016-10-09_10-10-22

photo_2016-10-09_10-10-24

photo_2016-10-09_10-10-27

photo_2016-10-09_10-10-29

photo_2016-10-09_10-10-32

photo_2016-10-09_10-10-33

photo_2016-10-09_10-10-35

photo_2016-10-09_10-10-37

photo_2016-10-09_10-10-39

photo_2016-10-09_10-10-41