Post News Media ព័ត៌មានជាតិ រថយន្ត​កុងតឺន...

រថយន្ត​កុងតឺន័រក្រុមហ៊ុន សូ ងួន បើកលឿនគេចម៉ូតូ ក្រឡាប់ធ្លាក់ផ្លូវ

ចែកចាយបន្ត

ព្រះសីហនុ: រថយន្តកុងតឺន័រមួយគ្រឿងរបស់ក្រុមហ៊ុន សូ ងួន បើកបរក្នុងល្បឿនលឿនហើយបានគេចម៉ូតូ បណ្ដាលឲ្យក្រឡាប់ធ្លាក់ទៅចិញ្ចើមផ្លូវជាតិលេខ៤។ ហេតុការណ៍ថ្នាក់ចរាចរណ៍របស់រថយន្ត សូ ងួននេះ បានកើតឡើងកាលពីវេលាម៉ោង៣និង៤៥នាទីយប់រំលងអធ្រាត្រចូលឈានចូលថ្ងៃទី៩ ខែតុលា ឆ្នាំ២០១៦ ស្ថិតនៅម្តុំជិតស្រះទឹក ផ្លូវចុះពីឃ្លាំងលើ ក្រុងព្រះសីហនុ។

សមត្ថកិច្ចនៅកន្លែងកើតហេតុបានប្រាប់ឲ្យដឹងថា គ្រោះថ្នាក់នេះ បង្កឡើងដោយអ្នកបើកបររថយន្តបានបើកគេចម៉ូតូ២ទៅ៣គ្រឿង ដែលទំនងជាបើកមកប៉ះជាមួយរថយន្ត ខណ:ពេលកំពុងមានភ្លៀងខ្លាំង ទើបបណ្ដាលឲ្យរថយន្តក្រឡាប់តែម្ដង។

តាមសម្តីអ្នកបើករថយន្តកុងតឺន័របានឲ្យដឹងថា ប្រសិនបើខ្ញុំមានស្មាតីមិននឹងណរ ក្នុងការបើកបរ និងសុខចិត្តបើកគេចរហូតដល់ក្រឡាប់ខ្លួនឯងនោះទេ! កុំអីមនុស្ស៣ទៅ៤នាក់ដែលជិះម៉ូតូអាចនឹងស្លាប់បាត់បង់ជីវិត ឬរងរបួសធ្ងន់ជាក់ជាមិនខាន។

ទោះជាយ៉ាងនេះក្តីអ្នកបើកបររថយន្តមិនមានរងរបួសធ្ងន់ធ្ងរនោះទេ។ ក្រោយកើតហេតុ គេឃើញមានវត្តមានសមត្ថកិច្ចចុះទៅដល់កន្លែងកើតហេតុ ដើម្បីសម្រួលចរាចរណ៍។ ចំណែករថយន្តដែលក្រឡាប់ ត្រូវបានអ្នកបើកបរទាក់ទងទៅម្ចាស់ក្រុមហ៊ុនយករថយន្តស្ទួចមកស្ទួចយកទៅជួសជុល៕

photo_2016-10-09_11-54-28

photo_2016-10-09_11-54-30