Post News Media ព័ត៌មានទូទៅ ជនសង្ស័យភេវរក...

ជនសង្ស័យភេវរករ ១៦ នាក់ ត្រូវចាប់ខ្លួននៅម៉ាឡេស៊ី

ចែកចាយបន្ត

ម៉ាទ្បេស៊ី: ប៉ូលិសម៉ាឡេស៊ី បានចាប់ខ្លួនជនសង្ស័យភេរវករ ១៦ នាក់ ក្នុងនោះ ១៤ នាក់ ត្រូវបានចោទប្រកាន់ថា ជាមេក្លោងស្ថិតនៅពីក្រោយការបំផ្ទុះគ្រាប់បែកមួយ នៅក្លិប Movida ក្នុងតំបន់ Puchong នៃរដ្ឋ Selangor កាលពីខែមិថុនា។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី១០ ខែតុលា ឆ្នាំ២០១៦។

ជនសង្ស័យទាំងអស់ ជាជនម៉ាឡេស៊ី លើកលែងតែម្នាក់ មកពីប្រទេសអាហ្វ្រិកខាងជើង។

អគ្គអធិការប៉ូលិស លោក Khalid Abu Bakar បានឲ្យដឹងថា ជនសង្ស័យទាំនេះ មានអាយុចន្លោះពី ២០ ទៅ ៣៨ ឆ្នាំ ត្រូវបានចាប់ខ្លួនបន្ទាប់ពីប្រតិបត្ដិការប្រឆាំងភេរវកម្ម នៅរដ្ឋ Selangor, Kelantan, Perak, Kedah, Penang និង Sabah ចន្លោះពីខែកញ្ញាទី២១ និងខែតុលាទី៦។

ក្នុងសេចក្តីថ្លែយរបស់លោក បានបញ្ជាក់ទៀតថា ពាណិជ្ជករ ទីប្រឹក្សាសាលារៀនម្នាក់ សិស្សម្នាក់ និងបុគ្គលិកធនាគារម្នាក់ ត្រូវបានឃុំខ្លួន ក្នុងចំណោមពួកគេផងដែរ៕

malaysia1