Post News Media ព័ត៌មានជាតិ នគរបាលស្រុកពញ...

នគរបាលស្រុកពញាឭ ឃាត់ខ្លួនបុរសម្នាក់ដកហូតបានថ្នាំញៀនជាច្រើនកញ្ចប់

ចែកចាយបន្ត

កណ្តាល: ជនសង្ស័យម្នាក់ ត្រូវបានកម្លាំងនគរបាលស្រុកពញាឭ ធ្វើការចាប់ឃាត់ពីបទជួញដូរនូវសារធាតុញៀនខុសច្បាប់ បន្ទាប់ពីសមត្ថកិច្ចត្រួតពិនិត្យរកឃើញថ្នាំញៀនជាច្រើនកញ្ចប់នៅជាប់នឹងខ្លួនរបស់ជនសង្ស័យ ។ ការចាប់ខ្លួននេះបានធ្វើឡើងកាលពីវេលាម៉ោង ៩ព្រឹកថ្ងៃទី៩ ខែតុលា ឆ្នាំ២០១៦ ស្ថិតនៅចំណុចផ្លូវលំ ភូមិសង្វរ ឃុំកំពង់លួង ស្រុកពញឭ ខេត្តកណ្តាល។

សមត្ថកិច្ចបានឲ្យដឹងថា ជនសង្ស័យដែលចាប់ខ្លួនបានមានឈ្មោះ ម៉ាត់ រ៉ូសាលី ភេទប្រុស អាយុ២៥ឆ្នាំ ជនជាតិខ្មែរឥស្លាម មុខរបរមិនពិតប្រាកដ មានទីលំនៅភូមិឃ្លាំងស្បែក ឃុំកំពង់លួង ស្រុកពញាឮ ខេត្តកណ្តាល។ក្នុងនោះដែរ វត្ថុតាងដែលសមត្ថកិច្ចដកហូតបានរួមមាន ម្សៅក្រាមពណ៌សថ្លា សង្ស័យជាសារធាតុញៀន (ម៉ាទឹកកកIce)ចំនួន២២កញ្ចប់ ក្នុងនោះមាន១៧តូច ០៤កញ្ចប់ធំល្មម និង០១កញ្ចាប់ធំ ,ទូរសព្ទ័ដៃ០១គ្រឿងម៉ាកណូគាអ៊ិនចុចពិល ,ក្របូប០១ ,លុយចំនួន៥ម៉ឺនរៀល និងរួមសម្ភារ:សម្រាប់វេចខ្ចប់មួយចំនួនទៀត។

សមត្ថកិច្ចបានបន្តឲ្យដឹងថា មុននឹងឈានដល់ការចាប់ខ្លួនបានជនសង្ស័យខាងលើ កម្លាំងជំនាញទទួលបានព័ត៌មានថាជនសង្ស័យខាងលើ កំពុងធ្វើសកម្មភាពជួញដូរថ្នាំញៀននៅចំណុចខាងលើ បន្ទាប់មកកម្លាំងជំនាញយុត្តិធម៌បានសហការជាមួយកម្លាំងនគរបាលប៉ុស្តិ៍កំពង់លួង ធ្វើការឃាត់ខ្លួនជនសង្ស័យបាន បញ្ជូនមកអធិការរដ្ឋាននគរបាលស្រុកពញាឭដើម្បីសួរនាំនិងចាត់ការតាមនិតិវិធីច្បាប់ ៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន