Post News Media ព័ត៌មានជាតិ សូមប្រយត្ន! ប...

សូមប្រយត្ន! បណ្ដាលខេត្តមួយចំនួនអាចមានភ្លៀងធ្លាក់ខ្លាំង

ចែកចាយបន្ត

ភ្នំពេញ: យោងតាមក្រសួងធនធានទឹក និងឧតុនិយម នៅថ្ងៃទី១០ ខែតុលានេះ បានឲ្យដឹងថា បន្ទាប់ពីបានតាមដានលើស្ថានភាពអាកាសធាតុរួចមក ឃើញថា ព្យុះទីព្យុងទី៩ ឈ្មោះ AERE នឹងកំពុងចុះខ្សោយមកជាសម្ពាធទាប និងស្ថិតនៅក្នុងសមុទ្រចិនខាងត្បូង ភាគខាងកើតកោះហៃណាំ ។ សម្ពាធទាបនេះ មានឥទ្ធិពលលើសមុទ្រចិនខាងត្បូង និងព្រះរាជាណាចក្រកម្ពុជា (ពេញមួយសប្ដាហ៍ទី ២ នៃខែតុលានេះ) ។

លើសពីនេះទៅទៀត ប្រព័ន្ធសម្ពាធទាប បានរំកិលចុះមកភាគខាងត្បូងប្រទេសកម្ពុជា និងកំពុងបង្កើនឥទ្ធិពលលើប្រទេសកម្ពុជា និងតំបន់ដីសណ្ដរទន្លេមេគង្គ។

យោងតាមការព្យាករ ស្ថានភាពអាកាសសធាតុ បានឲ្យដឹងថា នឹងមានភ្លៀងធ្លាក់រាយប៉ាយកាន់តែច្រើន ក្នុងក្របខណ្ឌទូទាំងប្រទេស ពិសេសតំបន់ខ្ពង់រាប និងតំបន់ទំនាបកណ្ដាល (ចាប់ពីថ្ងៃទី ១២ – ១៦ ខែតុលាឆ្នាំ២០១៦)។

អាស្រ័យដូចបានជម្រាបខាងលើ សូមបងប្អូនយកចិត្តទុកដាក់ប្រុងប្រយត្ន នៅតាមបណ្ដាលរាជធានី-ខេត្ត ដែលស្ថិតនៅតំបន់ទំនាបកណ្ដាល និងតំបន់ខ្ពង់រាប ព្រោះនឹងប្រឈមជំនន់ទឹកភ្លៀងខ្ពង់ជាងពេលកន្លងមក៕

photo_2