Post News Media ព័ត៌មានជាតិ លោក ហ៊ុន ម៉ាណ...

លោក ហ៊ុន ម៉ាណែត : និស្សិតរៀននៅក្រៅប្រទេសផ្តោតសំខាន់លើ ៣ចំណុច

ចែកចាយបន្ត

ភ្នំពេញ: លោក ហ៊ុន ម៉ាណែត បានផ្តល់នូវបទពិសោធន៍សិក្សានៅក្រៅប្រទេស ប្រាប់ដល់និសិត្ស ដែលកំពុងសិក្សានៅប្រទេសអូស្រ្តាលី ដោយលោកបានលើកឡើងថា និស្សិតដែលកំពុងសិក្សានៅក្រៅប្រទេស ត្រូវផ្តោតសំខាន់លើចំណុចបី ទី១ គឺរៀននៅក្នុងសាលា ដោយរៀនផ្តោតលើទ្រឹស្តី ទី២ គឺរៀនជីវិតជាក់ស្តែងនៅក្រៅសាលា ហើយទី៣ គឺត្រូវរៀនបង្កើតទំនាក់ទំនងឲ្យបានល្អប្រសើរ។

ការថ្លែងបែបនេះ ក្នុងពេលដែលលោកបានជួបសំណេះសំណាលជាមួយនិស្សិតដែលរស់នៅ និងសិក្សាក្នុងទីក្រុងស៊ីដនី នៃប្រទឹសអូស្ត្រាលីប្រមាណជាង១០០នាក់ កាលពីថ្ងៃទី០៩ ខែតុលា ឆ្នាំ២០១៦នេះ បន្ទាប់ពីលោក បានដឹកនាំគណ:ប្រតិភូយុវជនខ្មែរទៅទស្សនកិច្ចនៅប្រទេសអូស្ត្រាលី។

លោក ហ៊ុន ម៉ាណែត បានបន្តថា នេះជាឱកាសដ៏ល្អសម្រាប់សិស្ស និងនិស្សិត ដែលមានឱកាសបានមកសិកស្សានៅប្រទេសអូស្រ្តាលី ហើយឱកាសទាំងអស់នេះ មិនមែនកើតមានដោយឯកឯងនោះទេ គឺបានមកពីការខិតខំប្រឹងប្រែងរវាងរាជរដ្ឋាភិបាលកម្ពុជា និងរដ្ឋាភិបាលនៃប្រទេសអូស្រ្តាលី និងការខិតខំរបស់ប្អូនៗនិស្សិត។

លោក ហ៊ុន ម៉ាណែត បានស្តាប់ និងទទួលយកនូវសំណូមពរមួយចំនួនពីនិស្សិតដែលកំពុងសិក្សាក្នុងប្រទេសអូស្រ្តាលី ដែលលោកបានយកចិត្តទុកដាក់ក្នុងការសម្របសម្រួលនូវយន្តការមួយចំនួន ដើម្បីឲ្យសិស្សនិស្សិត ដែលកំពុងស្នាក់នៅក្នុងប្រទេសអូស្រ្តលីនេះមានឱកាសរៀនសូត្របានល្អប្រសើរ ហើយនឹងត្រៀមសម្រាប់ជួយដល់និស្សិតដែលនឹងត្រៀមមកសិក្សាបន្តក្នុងប្រទេសនេះផងដែរ។

សូមបញ្ជាក់ថា កិច្ចសំណេះសំណាល និងសាកសួរសុខទុក្ខដល់និស្សិតដែលកំពុងសិក្សានៅក្នុងប្រទេសអូស្រ្តាលីនេះ ក្នុងគោលបំណង ចង់ដឹងសុខទុក្ខ និងការរីកចម្រើននៃការរៀនសូត្ររបស់និស្សិត និងស្វែងយល់ពីព័ត៌មានត្រឡប់អំពីតម្រូវការ និងសំណូមពរផ្សេងៗ ដើម្បីបង្កើតនូវយន្តការផ្សេងៗ និងមធ្យោបាយដើម្បីជូយដល់ការស្នាក់នៅ និងការសិក្សា របស់និស្សិត ត្រៀមជួយដល់និស្សិតដែលនឹងមានឱកាសមកបន្តការសិក្សក្នុងប្រទេសអូស្រ្តាលី៕

photo_2016-10-10_11-00-46

photo_2016-10-10_11-00-48

photo_2016-10-10_11-00-50

photo_2016-10-10_11-00-52

photo_2016-10-10_11-00-35

photo_2016-10-10_11-00-37

photo_2016-10-10_11-00-39

photo_2016-10-10_11-00-41

photo_2016-10-10_11-00-43