Post News Media ព័ត៌មានជាតិ ឡិចស៊ីសបុកជាម...

ឡិចស៊ីសបុកជាមួយនិងរថយន្តកុងតឺន័រខ្ទាតទៅចំណែកផ្លូវម្ខាងម្នាក់ម្ចាស់របួសធ្ងន់

ចែកចាយបន្ត

ភ្នំពេញ: ហេតុការណ៍គ្រោះថ្នាក់ចរាចរណ៍ដ៏រន្ធត់មួយ បានកើតឡើងដោយបង្កឡើង រវាងរថយន្ដឡិចស៊ីស​RX300 បុកជាមួយរថយន្ដកុងតឺន័រ ដែលធ្វើដំណើរបញ្ច្រាសទិសគ្នាពេញទំហឹង បណ្ដាលឲ្យរថយន្ដឡិចស៊ីសខ្ទាតទៅចិញ្ចើមផ្លូវចូលរោងលក់ខោអាវជជុះចំណែកម្ចាស់រថយន្ដឡិចស៊ីសរងរបួសធ្ងន់។

ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៩និង២០នាទី ថ្ងៃទី៩ ខែតុលា ឆ្នាំ២០១៦ ស្ថិតនៅចំណុចខាងមុខហាងនំបុ័ងចោមចៅ តាមបណ្ដោយផ្លូវជាតិលេខ៣ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើត ហេតុគេបានឃើញរថយន្ដម៉ាកកុងតឺន័រពាក់ស្លាកលេខភ្នំពេញ 3B-5243 ធ្វើដំណើរតាម បណ្ដោយផ្លូវជាតិលេខ៣ ទិសដៅពីត្បូងទៅជើងក្នុងល្បឿនលឿន ខណ:ពេលមកដល់កន្លែងកើតហេតុក៏បុកគ្នាជាមួយរថយន្ដឡិចស៊ីសRX300 ពណ៌ទឹកប្រាក់ពាក់ ស្លាកលេខ ភ្នំពេញ 2G-9780 ដែលធ្វើដំណើរបញ្ច្រាសទិសគ្នាពេញទំហឹងបណ្ដាលឲ្យរថយន្ដឡិចស៊ីសខ្ទាតទៅចិញ្ចើមផ្លូវចូលរោងលក់ខោអាវជជុះរងការខូចខាត និងអ្នកបើកបររងរបួសធ្ងន់ ។ក្រោយពីកើតហេតុ តៃកុងបើករថយន្ដកុងតឺន័រចុះពីរថយន្ដគេចខ្លួនបាត់ដោយបន្សល់រថយន្ដទុកនៅកន្លែងកើតហេតុ ចំណែកម្ចាស់រថយន្ដឡិចស៊ីសត្រូវបានគេបញ្ជូនតាមរថយន្ដសង្គ្រោះដឹកយកទៅសង្គ្រោះបន្ទាន់នៅមន្ទីរពេទ្យ។

ក្រោយមកកម្លាំងសមត្ថកិច្ចមូលដ្ឋានបានចុះដល់កន្លែងកើតហេតុ និងបានសហការជាមួយកម្លាំងជំនាញចុះវាស់វែងយករថយន្ដទាំងពីរគ្រឿងទៅរក្សាទុកនៅការិយាល័យចរាចរណ៍ចរាចរណ៍រាជធានីភ្នំពេញ ដើម្បីរង់ចាំដោះស្រាយនៅពេលក្រោយ៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍