Post News Media ព័ត៌មានជាតិ រថយន្តកាមរីបា...

រថយន្តកាមរីបាឡែនរេចង្កូតពន្លះទ្រូងផ្លូវបាក់អស់ចំនួន៣ផ្ទាំង

ចែកចាយបន្ត

ភ្នំពេញ: រថយន្តម៉ាកកាមរីបាឡែន មួយគ្រឿងបើកបរដោយបុរសម្នាក់ក្នុងលឿនលឿនខ្វះការប្រុងប្រយត្នជ្រុលទៅបុករនាំងដែកពុះចែកទ្រូងផ្លូវពេញទំហឹងបណ្តាលឲ្យរងការខូចខាតអស់ចំនួន៣ផ្ទាំង។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២និង៣០នាទី រំលងអាធ្រាតឈានចូលថ្ងៃទី១០ខែតុលាឆ្នាំ២០១៦ ស្ថិតនៅចំណុចមុខក្រសួងទេសចរណ៍ចាស់ តាមបណ្តោយផ្លូវព្រះមុនីវង្សក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញបុរសម្នាក់ បើករថយន្តមួយគ្រឿង ម៉ាកកាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2F-7768 ធ្វើដំណើរយ៉ាងលឿន តាមបណ្តោយផ្លូវព្រះមុនីវង្ស ក្នុងទិសដៅពីត្បូងទៅជើង ខណ:មកដល់ចំណុចកើតហេតុ រថយន្តបានរេចង្កូតទៅបុកនឹងរនាំងដែកពុះចែកទ្រូងផ្លូវ បណ្តាលឲ្យបាក់អស់ចំនួន៣ផ្ទាំង ហើយរថយន្តបែកកង់ខាងឆ្វេងទៅមុខលែងរួចតែម្តង ប៉ុន្តែសំណាងល្អនៅក្នុងហេតុការណ៍គ្រោះថ្នាក់ខាងលើនេះ គឺមិនបណ្តាលឲ្យនរណាម្នាក់មានគ្រោះថ្នាក់ដល់អាយុជីវិតនោះឡើយ ។

ក្រោយពីហេតុការណ៍នេះបានកើតឡើង សមត្ថកិច្ចនគរបាលចរាចរណ៍ខណ្ឌដូនពេញ សហការជាមួយនគរបាលជំនាញរាជធានីភ្នំពេញ ចុះមកដល់ចំណុចកើតហេតុដោយស្ទូចយករថយន្តខាងលើ យកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំធ្វើការដោះស្រាយគ្នាតាមនិតិវិធីច្បាប់៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍