Post News Media ព័ត៌មានជាតិ លោក ហ៊ុន ម៉ាណ...

លោក ហ៊ុន ម៉ាណែត ស្នើឲ្យពាណិជ្ជករខ្មែរនៅអូស្រ្តាលី ស្វែងរកឱកាសវិនិយោគបន្ថែមនៅកម្ពុជា

ចែកចាយបន្ត

ភ្នំពេញ: លោក ហ៊ុន ម៉ាណែត ក្នុងឱកាសដឹកនាំក្រុមយុវជនទៅសួរសុខទុក្ខអាជីវករ ពាណិជ្ជករខ្មែរនៅអូស្ត្រាលី លោកបានស្នើសុំថា បើបានទៅលេងស្រុកកំណើតនៅមាតុភូមិប្រទេសកម្ពុជា ត្រូវស្វែងរកឱកាសវិនិយោគនៅទីនោះ ដើម្បីឲ្យប្រទេសកម្ពុជា កាន់តែមានមុខមាត់ក្នុងឆាកអន្តរជាតិ។

ថ្លែងទៅកាន់បងប្អូនពាណិជ្ជករ អជីវករ ជនជាតិខ្មែរដែលរស់នៅក្នុងទីក្រុង ស៊ីដនី ប្រមាណ៧០នាក់ ក្នុងការចូលរួមសំណេះសំណាលនិងពិសារអាហារថ្ងៃត្រង់នៅព្រឹកថ្ងៃទី១០ តុលា ២០១៦ លោក ហ៊ុន ម៉ាណែត បានបញ្ជាក់ថា ទោះបីជាខ្មែរនៅទីណាក៏ដោយ គឺនៅតែជួយខ្មែរ តាមរយ:ការមកវិនិយោគដែលនាំមកនូវការអភិវឌ្ឍន៍ដល់ប្រទេស។

លោកបានបន្ថែមថា កន្លងមកមានព័ត៌មានអវិជ្ជមានមួយចំនួនពីកម្ពុជា ប៉ុន្តែតាមការពិតប្រមុខរាជរដ្ឋាភិបាលក៏ដូចជាក្រសួងពាណិជ្ជកម្មបានខិតខំបង្កើតនូវយន្តការជាច្រើនដើម្បីសម្រួលឲ្យមានបរិយាកាសល្អនៅក្នុងការវិនិយោគប្រទេស។

ក្នុងបរិយាកាសដ៏រីករាយ និងស្និទ្ធស្នាលនោះ ប្រជាពលរដ្ឋខ្មែរគឺលោកលឹម សំអាត តំណាងខ្មែរនៅអូស្រ្តាលី មានមោទនភាពនិងសេចក្តីសោមនស្សរីករាយ ដែលបានមកជួបសំណេះសំណាលជាមួយ លោក ហ៊ុន ម៉ាណែត ខណ:លោកបាននាំយកនូវព័ត៌មានក្នុងប្រទេសមួយមកប្រាប់ ក្នុងនោះលោកបានរំលេចពីសក្តានុពលក្នុងការអភិវឌ្ឍន៍ វិស័យវិនិយោគ និងវិស័យជាច្រើនទៀតរួមមាន វិស័យកសិកម្ម ឧស្សាហកម្ម វិស័យទេសចរណ៍ ជាដើម៕

ពាណិជ្ជករខ្មែរ

ពាណិជ្ជករខ្មែរ

ពាណិជ្ជករខ្មែរ

ពាណិជ្ជករខ្មែរ

ពាណិជ្ជករខ្មែរ

ពាណិជ្ជករខ្មែរ

ពាណិជ្ជករខ្មែរ