Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ២នាក់ប្តីប្រពន្ធតាមដីការបស់តុលាការ

ចែកចាយបន្ត

ឧត្តរមានជ័យ: ជនសង្ស័យ២នាក់ប្តីប្រពន្ធត្រូវបានសមត្ថកិច្ចនៃអធិការដ្ឋាននគរបាលស្រុកអន្លង់វែង ធ្វើការចាប់ឃាត់ខ្លួនតាមដីការបង្គាប់របស់តុលាការ ពីបទជួញដូរគ្រឿងញៀនខុសច្បាប់ កាលពីវេលាម៉ោង១០ ព្រឹកថ្ងៃទី១០ ខែតុលា ឆ្នាំ២០១៦ ។

លោកវរសេនីយ៍ទោ ស៊ីម វណ្ណ: អធិការនគរបាលស្រុកអន្លង់វែង បានឲ្យដឹងថា ជនសង្ស័យដែលត្រូវបានសមត្ថកិច្ចចាប់ខ្លួនខាងលើនេះ ទី១មានឈ្មោះ ជា ភឿន ហៅទីន ភេទប្រុស អាយុ៣៩ឆ្នាំ មុខរបរយោធា រស់នៅភូមិជាំ ឃុំត្រពាំងប្រីយ៍ ស្រុកអន្លង់វែង ត្រូវជាប្តីរបស់ជនសង្ស័យឈ្មោះ ប៉ិច មុំ ភេទស្រី អាយុ៤៣ឆ្នាំ មុខរបរលក់ដូរ រស់នៅភូមិឃុំជាមួយគ្នា ។ត្រូវបានសមត្ថកិច្ចចាប់ខ្លួន តាមដីកាបង្គាប់របស់តុលាការ លេខ ០៥៥ ដបច/១៦និងលេខ០៥៦ ដបច/១៦ ចុះថ្ងៃទី០៥ ខែតុលា ឆ្នាំ២០១៦ របស់លោក អ៊ាក ផល្លា ចៅក្រមស៊ើបសួរនៃសាលាដំបូងខេត្តឧត្តរមានជ័យ ដែលបានប្រព្រឹត្តឡើងនៅចំណុចភូមិអូរតាម៉ែង ឃុំអន្លង់វែង ស្រុកអន្លង់វែង កាលពីថ្ងៃទី១៩ ខែមិថុនា ឆ្នាំ២០១៦កន្លងទៅនេះ ។ហើយបច្ចុប្បន្នជនសង្ស័យកំពុងត្រូវបានសមត្ថកិច្ច កសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន