Post News Media ព័ត៌មានជាតិ ប្រើប្រាស់គ្រ...

ប្រើប្រាស់គ្រឿងញៀននៅក្នុងសាលាហ៊ុន សែន ចម្រើនជាតិ មនុស្ស៤នាក់ត្រូវបានសមត្ថកិច្ចចាប់ខ្លួន

ចែកចាយបន្ត

ភ្នំពេញ: មនុស្ស៤នាក់ សុទ្ធសឹងជាយុវជន ត្រូវសមត្ថកិច្ចខណ្ឌឬស្សីកែវ សហការជាមួយកម្លាំងសមត្ថកិច្ចប៉ុស្តិ៍ច្រាំងចំរេះ១ ចាប់ខ្លួនបន្ទាប់ពីចុះឆ្មក់ឃើញពួកគេ កំពុងតែប្រើប្រាស់គ្រឿងញៀននៅក្នុងសាលាបឋមសិក្សា និងអនុវិទ្យាល័យ ហ៊ុន សែន ចម្រើនជាតិ ស្ថិតក្នុងក្រុម១ ភូមិ១ សង្កាត់ច្រាំងចំរេះ១ ខណ្ឌឬស្សីកែវកាលពីវេលាម៉ោង១និង៣០នាទីរសៀលថ្ងៃទី១០ ខែតុលា ឆ្នាំ២០១៦ ។

លោក ម៉ៅ ចាន់ថុន នាយរងផ្នែកទទួលបន្ទុកព្រហ្មទណ្ឌខណ្ឌ បានប្រាប់ឲ្យដឹងថា ដោយសារតែមានប្រជាពលរដ្ឋដែលរស់នៅទីនោះ បានរាយការណ៍មកសមត្ថកិច្ចថា ទីតាំងក្នុងសាលារៀននេះសម្បូរទៅដោយយុវជននាំគ្នាមកជក់គ្រឿងញៀន ទាំងថ្ងៃទាំងយប់ ទើបសមត្ថកិច្ចចុះប្រតិបត្តិការណ៍ក្រោយពីលោក ទៀង ច័ន្ទសារ អធិការនគរបាលខណ្ឌឬស្សីកែវ បានបញ្ជាឲ្យកម្លាំងសមត្ថកិច្ចចុះទៅធ្វើការស្រាវជ្រាវ រហូតឈានដល់ការចាប់ខ្លួនមនុស្ស៤នាក់ព្រមទាំងដកហូតវត្ថុតាងមួយចំនួននិងម៉ូតូមួយគ្រឿង មកអធិការដ្ឋាននគរបាលខណ្ឌដើម្បីធ្វើការសាកសួរ។

លោក ម៉ៅ ចាន់ថុន បានបន្តទៀតថា ជនសង្ស័យដែលត្រូវឃាត់ខ្លួននោះ ទី១-ឈ្មោះ សុះ អារ៉ាហ្វាត ភេទប្រុស អាយុ១៧ឆ្នាំ ជនជាតិខ្មែរឥស្លាម មុខរបរសិស្ស ស្នាក់នៅផ្ទះលេខ៦១ ភូមិ១ សង្កាត់ច្រាំងចំរេះ១ ខណ្ឌឬស្សីកែវ។ ទី២-ឈ្មោះ នី រ៉ូហ្សក ភេទប្រុស អាយុ ២៣ឆ្នាំ ជនជាតិខ្មែរឥស្លាម មុខរបរ នៅផ្ទះ ស្នាក់នៅផ្ទះលេខ៧៨៦ ផ្លូវជាតិលេខ៥ ក្រុម៤ ភូមិ២២ សង្កាត់ច្រាំងចំរេះ២ ខណ្ឌឬស្សីកែវ ទី៣-ឈ្មោះ ហេង សឿន ភេទប្រុស អាយុ ៣៤ឆ្នាំ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវជាតិលេខ៥ ក្រុម៧ ភូមិ២ សង្កាត់ច្រាំងចំរេះ២ និងជនសង្ស័យទី៤-ឈ្មោះ គង់ ផារី ភេទប្រុស អាយុ ២០ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅផ្ទះគ្មានលេខ ផ្លូវលំ ក្រុម៧ ភូមិ១ សង្កាត់ច្រាំងចំរេះ១ ខណ្ឌឬស្សីកែវ ។ព្រមទាំងបានដកហូតម៉ូតូ មួយគ្រឿង ម៉ាក អាយខន ពណ៌ផ្ទៃមេឃលាយស ពាក់ស្លាកលេខ ភ្នំពេញ 1BT-0448 និងឧបករណ៍ប្រើប្រាស់មួយចំនួន។

បច្ចុប្បន្នយុវជនទាំង ៤នាក់ខាងលើ រួមនឹងវត្ថុតាងត្រូវបានសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿង បញ្ជូនទៅកាន់តុលាការ ចាត់ការបន្តតាមនីតិវិធីច្បាប់៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន