Post News Media ព័ត៌មានជាតិ ដោះលែងបុរសដែល...

ដោះលែងបុរសដែលប្រើអំពើហិង្សាលើកុមារាអាយុ៦ឆ្នាំ

ចែកចាយបន្ត

ភ្នំពេញ: បុរសវ័យចំណាស់ម្នាក់ ដែលប្រើអំពើហិង្សាលើកុមាររាអាយុ៦ឆ្នាំ បណ្ដាលឲ្យរងរបួស ហើយថែមទាំងយកដុំថ្មញាត់មាត់ នឹងត្រូវឪពុកម្ដាយក្មេងប្ដឹងនគរបាលឃាត់ខ្លួនកាលពីវេលាម៉ោង១១និង៣០នាទីថ្ងៃទី០៨ ខែតុលា ឆ្នាំ២០១៦នោះ ពេលនេះត្រូវនគរបាលព្រហ្មទណ្ឌខណ្ឌពោធិ៍សែនជ័យធ្វើការដោះលែងហើយ ដោយសារភាគីខាងកុមាររងគ្រោះដកពាក្យបណ្តឹង។

លោក ជា សុវណ្ណ នាយផ្នែកនគរបាលព្រហ្មទណ្ឌខណ្ឌពោធិ៍សែនជ័យបានឲ្យដឹងថា ការដោះលែងជនសង្ស័យខាងលើ គឺដោយសារតែឪពុកម្តាយក្មេងប្រុសរងគ្រោះបានសុំដកពាក្យបណ្តឹង ហើយភាគីខាងបង្កព្រមសងសំណងឲ្យកុមាររារងគ្រោះចំនួន៣០ម៉ឺនរៀល។

គួរំឭកថា កុមារារងគ្រោះឈ្មោះ ណា រាជ អាយុ៦ឆ្នាំរស់នៅជាមួយឪពុកម្ដាយនៅភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ។ ចំណែកបុរសបង្កឈ្មោះ លឹម សុខា ហៅវុធ ភេទប្រុស អាយុ៤៣ឆ្នាំ មុខរបរ លក់ដូរមានលំនៅដ្ឋានផ្ទះលេខ88C ភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ។

ក្រុមគ្រួសារបានឲ្យដឹងថា កាលពីវេលាម៉ោង១១និង៣០នាទីថ្ងៃទី០៨ ខែតុលា ឆ្នាំ២០១៦ កុមារារងគ្រោះបានទៅរត់លេងនៅផ្ទះបុរសបង្ក ដោយសារផ្ទះនៅជិតខាងគ្នា មួយសន្ទុះក្រោយមកកុមារបានយំរត់ចេញមកវិញ ហើយប្រាប់ឪពុកម្ដាយថា បុរសខាងលើបានវ៉ៃ ដោយចាប់ក្ដិចដៃ ទះកំផ្លៀង ពេលកុមារាយំបានយកដុំថ្មញាត់មាត់ថែមទៀត។

ដោយឡែកសំដីបុរសបង្កបានឲ្យដឹងថា កុមាររងគ្រោះបានមកលេងនៅផ្ទះគាត់ជាប្រចាំនិងបានរើកកាយអ៊ីវ៉ាន់ចាប់ហួយសម្រាប់លក់ដូរក្នុងផ្ទះ ទើបគាត់ខឹង តែគាត់មិនបានប្រព្រឹត្តដូចការចោទប្រកាន់នោះទេ ដោយគាត់គ្រាន់តែក្ដិចដៃរួចដេញឲ្យចេញក្រៅវិញតែប៉ុណ្ណោះ។ ក្រោយកើតហេតុបុរសបង្កត្រូវបាននគរបាលប៉ុស្តិ៍ចោមចៅហៅមកសាសួរ  ផ្អែកទៅលើពាក្យបណ្តឹងរបស់ឪពុកម្ដាយកុមាររងគ្រោះ៕

photo_2016-10-10_16-26-39

photo_2016-10-10_16-26-33