Post News Media ព័ត៌មានជាតិ នគរបាលក្រុងព្...

នគរបាលក្រុងព្រះសីហនុចាប់ខ្លួនមុខសញ្ញាលក់ចែកចាយថ្នាំញៀនបានម្នាក់

ចែកចាយបន្ត

ព្រះសីហនុ: ជនសង្ស័យម្នាក់ ជាមុខសញ្ញាចែកចាយជួញដូរគ្រឿងញៀនម្នាក់ ត្រូវបានកម្លាំងនគរបាលក្រុងព្រះសីហុនធ្វើការចាប់ឃាត់ខ្លួន កាលពីនៅវេលាម៉ោង២និង៣០នាទីឈានចូលថ្ងៃទី១០ ខែតុលា ឆ្នាំ២០១៦នេះ ស្ថិតនៅតាមបណ្តោយផ្លូវចូលតំបន់ភូមិថ្មី ក្រុម៨ ភូមិ៣ សង្កាត់៣ក្រុង ខេត្តព្រះសីហនុ។

លោកវរសេនីយ៍ត្រីភុល ភស្តា អធិការនគរបាលក្រុងព្រះសីហនុបានឲ្យដឹងថាជនសង្ស័យដែលចាប់ខ្លួនបានខាងលើនេះមានឈ្មោះ កង វិច្ឆិកា (ហៅណាម) ភេទប្រុស អាយុ៣២ឆ្នាំ មុខរបររត់ម៉ូតូឌុប ស្នាក់នៅផ្ទះជួលក្រុម៣៥ ភូមិ៣ទំនប់រលកចាស់ សង្កាត់លេខ១ ក្រុង ខេត្តព្រះសីហនុ។ ក្នុងនោះដែរ វត្ថុតាងដែលសមត្ថកិច្ចដកហូតបានរួមមានថ្នាំញៀនប្រភេទមេតំហ្វេតាមីនចំនួន០៩កញ្ចប់តូច ម៉ូតូ១គ្រឿងម៉ាក Air Blade ពណ៌ក្រហម ផលិតឆ្នាំ២០១៣ និងទូរសព្ទ័១គ្រឿងម៉ាកណូគា។ បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់សាលាដំបូងខេត្តដើម្បីផ្តន្ទាទោសតាមផ្លូវច្បាប់៕

photo_2016-10-10_16-37-37

photo_2016-10-10_16-37-38

photo_2016-10-10_16-37-39