Post News Media ព័ត៌មានជាតិ អភិបាលខណ្ឌសែន...

អភិបាលខណ្ឌសែនសុខ ចុះពិនិត្យស្ថានភាពទឹកលិចផ្លូវ និងផ្ទះប្រជាពលរដ្ឋ

ចែកចាយបន្ត

ភ្នំពេញ: នៅព្រឹកថ្ងៃទី១០ ខែតុលា ឆ្នាំ២០១៦ នេះឃើញមានវត្តមានលោកប៉ឹល កុសល អភិបាលខណ្ឌសែនសុខ និងលោកជុំ សារ៉ាយ ចៅសង្កាត់ភ្នំពេញថ្មី បានចុះពិនិត្យ និងសិក្សាពីស្ថានភាពទឹកជំនន់ជន់លិចផ្លូវផ្ទះសម្បែងរបស់ពលរដ្ឋមួយចំនួន ក្នុងភូមិសាស្រ្ត សង្កាត់ភ្នំពេញថ្មី ខណ្ឌសែនសុខ និងទីតាំងមួយចំនួនទៀត តាមព្រំប្រទល់តាមបណ្តាលខណ្ឌជាប់គ្នា។

តាមការចុះពិនិត្យនិងដោយបានគោលការណ៍ពីលោក ប៉ា សុជាតិវង្ស អភិបាលនៃគណ:អភិបាលរាជធានីភ្នំពេញ បានដាក់ចេញវិធានការណ៍បន្ទាន់ ដូចជា ទី១-មន្ទីរសាធារណការនិងដឹកជព្ជាូនដាក់គ្រឿងចក្រចុះកាយស្តារភក់ប្រឡាយស្របផ្លូវរថភ្លើង, ទី២-សាលាខណ្ឌសែន សុខ ពោធិសែនជ័យសម្របសម្រួលជាមួយម្ចាស់ដីដើម្បីជីកប្រឡាយភ្ជាប់ពីផ្លូវរថភ្លើងដល់បុរីកំពុងសាងសង់, ទី៣-ទីតាំងបុរីម្ចាស់បុរីឯកភាពកាយសំរាមពីមុខលូបណ្តោះអាសន្នហើយចំពោះមុខម្ចាស់សុខចិត្តកាយចេញបណ្តាញលូទំហំ ១.៥ម ចំនួន ២ខ្សែដែលបានដាក់រួចតាមសំណេីក្រុមការងារដោយជំនួសដោយការធ្វើប្រឡាយចំហទទឹង ៨ម៉ែត្រ និងទី៤-ទីតាំងប្រឡាយពីបុរីទៅភ្ជាប់ប្រឡាយទួលសំពៅ មន្ទីរនឹងចុះកាយស្តារភក់ កំបោក ស្មៅត្រែង និងឯកភាពឲ្យធ្វើស្ពានឆ្លងកាត់ប្រឡាយជំនួសដោយការការដាក់លូទំហំតូច។

តាមមតិប្រជាពលរដ្ឋវិញ បានឲ្យដឹងថា រាល់សំណង់នានាចាក់លុបដីឡូតិ៍រួមទាំងលំនៅដ្ឋានរបស់ពលរដ្ឋផង ពេលដែលសុំច្បាប់សាងសង់ អាជ្ញាធរថ្វីបើសម្រេចអនុញាតិក៏ពិតមែន តែប្រព័ន្ធលូ បង្ហូរទឹកស្អុយ ហាក់បីដូចជាខាងអាជ្ញាធរ មិនចុះទៅមើលឡើយសាងសង់ពុំត្រូវតាមបច្ចេកទេស ពុំត្រូវតាមស្តង់ដាដាក់លូទៅតាមបុគ្គលម្ចាស់ទីតាំងពេញចិត្តនិងទីតាំងមួយចំនួនត្រូវបានអ្នកមានលុយ មានអំណាច ចាក់ដីលុបប្រឡាយ យកធ្វើជាកម្មសិទ្ធប្រយោជន៍ផ្ទាល់ខ្លួនលួចចាក់ដីលុបចិញ្ចើមប្រឡាយដើម្បីពង្រីកដីខ្លួន ។ល។

បាតុភាពនិងទង្វើទាំងនេះហើយទើបប្រព័ន្ធបង្ហូររំដោះទឹក មានបញ្ហា កកស្ទះស្មៅ កំប្លោក សម្រាម ដែលប្រឈមមុខទៅនឹង វិបត្តិទឹកជន់លិចផ្លូវ លំនៅដ្ឋាន។ តែទោះជាយ៉ាងណាក៏ដោយក្រោយពីទីតាំងមួយចំនួនជួបនូវវិប្បត្តិទឹកភ្លៀងជន់លិច ឃើញថាថ្នាក់ដឹកនាំ តាមបណ្តាខណ្ឌរត់ចែកជើងគ្នាដើរមើល ដើរដោះស្រាយអស់រយ:ពេលជាច្រើនថ្ងៃទៅហើយនៅមិនទាន់ចេញនៅឡើយ៕

photo_2016-10-10_22-42-54

photo_2016-10-10_22-42-56

photo_2016-10-10_22-42-58

photo_2016-10-10_22-43-00

photo_2016-10-10_22-43-01

photo_2016-10-10_22-43-03

photo_2016-10-10_22-43-05

photo_2016-10-10_22-43-09

photo_2016-10-10_22-43-11

photo_2016-10-10_22-43-13