Post News Media ព័ត៌មានជាតិ កម្លាំងសមត្ថក...

កម្លាំងសមត្ថកិច្ចខណ្ឌឫស្សីកែវ បង្ហាញមុខជនសង្ស័យ១០នាក់ ពាក់ព័ន្ធនឹងករណីគ្រឿងញៀន នៅព្រឹកនេះ

ចែកចាយបន្ត

ភ្នំពេញ: ជនសង្ស័យចំនួន១០នាក់ ពាក់ព័ន្ធទៅនឹងករណីគ្រឿងញៀន ដែលកម្លាំងសមត្ថកិច្ចធ្វើការបង្ក្រាបក្នុងរយ:ពេល២ថ្ងៃកន្លងមក នៅវេលាម៉ោង៨ព្រឹកថ្ងៃទី១១ ខែតុលា ឆ្នាំ២០១៦ ត្រូវបានកម្លាំងសមត្ថកិច្ចខណ្ឌឬស្សីកែវបានធ្វើការបង្ហាញមុខ។

លោកវរសេនីយ៍ឯក ទៀង ច័ន្ទសារ អធិការខណ្ឌឫស្សីកែវ បានថ្លែងប្រាប់ឲ្យដឹងថា ដោយសារតែមានបញ្ជាការផ្ទាល់ពីលោកនាយឧត្តមសេនីយ៍ ជួន សុវណ្ណ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បញ្ជាឲ្យអធិការដ្ឋាននគរបាលទាំង១២ខណ្ឌអនុវត្តនៅភូមិឃុំមានសុវត្ថិភាពទាំង៩ចំណុច ដែលរាជរដ្ឋាភិបាលបានដាក់មក ដើម្បីការពារសុវត្ថិភាពជូនបងប្អូនប្រជាពលរដ្ឋ ក៏ដូចជាទប់ស្កាត់នៅបទល្មើសដូចជា ឆក់ ប្លន់ លួច ល្បែងស៊ីសងគ្រប់ប្រភេទ និងគាស់ផ្ទះរបស់បងប្អូនប្រជាពលរដ្ឋ។

លោកវរសេនីយ៍ឯក ទៀង ច័ន្ទសារ បានបន្តថា នៅក្នុងរយ:ពេល២ថ្ងៃនេះ កម្លាំងសមត្ថកិច្ចយើងបានធ្វើការបង្ក្រាបជនសង្ស័យ ដែលជាប់ពាក់ព័ន្ធនឹងករណីគ្រឿងញៀនចំនួន ១០នាក់ ដោយនៅវេលាម៉ោង១១ព្រឹកថ្ងៃទី០៩ ខែតុលា ឆ្នាំ២០១៦ កម្លាំងសមត្ថកិច្ចយើងបានធ្វើបង្ក្រាប និងឃាត់ខ្លួនបានជនសង្ស័យចំនួន៦នាក់ ដោយក្នុងនោះមានព្រះសង្ឃ១អង្គ ព្រមទាំងបានដកហូតនៅថ្នាំញៀន១កញ្ចប់ធំ និងម៉ូតូ២គ្រឿង។ ដោយឡែកនៅវេលាម៉ោង១និង៣០នាទីរសៀលថ្ងៃទី១០ ខែតុលា ឆ្នាំ២០១៦ កម្លាំងសមត្ថកិច្ចយើងបានធ្វើការឆ្មក់ចូលទៅបង្ក្រាបជនសង្ស័យចំនួន៤នាក់ ដែលកំពុងតែលួចជក់ថ្នាំញៀននៅក្នុងសាលាបឋមសិក្សា និងអនុវិទ្យាល័យ ហ៊ុន សែន ចម្រើនជាតិ ដោយសមត្ថកិច្ចយើងបានធ្វើការដកហូតនៅឧបករណ៍ប្រើប្រាស់មួយចំនួន និងម៉ូតូ១គ្រឿង។

លោក ទៀង ច័ន្ទសារ បានបន្តទៀតថា ជនសង្ស័យទាំង ១០នាក់ ទី១-ឈ្មោះ សុះ អារ៉ាហ្វាត ភេទប្រុស អាយុ ១៧ឆ្នាំ ជនជាតិខ្មែរឥស្លាម មុខរបរ សិស្ស ស្នាក់នៅផ្ទះលេខ៦១ ភូមិ១ សង្កាត់ច្រាំងចំរេះ១ ខណ្ឌឫស្សីកែវ ទី២-ឈ្មោះ នី រ៉ូហ្សក ភេទប្រុស អាយុ ២៣ឆ្នាំ ជនជាតិខ្មែរឥស្លាម មុខរបរ នៅផ្ទះ ស្នាក់នៅផ្ទះលេខ៧៨៦ ផ្លូវជាតិលេខ៥ ក្រុម៤ ភូមិ២២ សង្កាត់ច្រាំងចំរេះ២ ខណ្ឌឫស្សីកែវ ទី៣-ឈ្មោះ ហេង សឿន ភេទប្រុស អាយុ ៣៤ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវជាតិលេខ៥ ក្រុម៧ ភូមិ២ សង្កាត់ច្រាំងចំរេះ២ ទី៤-ឈ្មោះ គង់ ផារី ភេទប្រុស អាយុ ២០ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅផ្ទះគ្មានលេខ ផ្លូវលំ ក្រុម៧ ភូមិ១ សង្កាត់ច្រាំងចំរេះ១ ខណ្ឌឫស្សីកែវ ទី៥-ឈ្មោះ ឈឹម រស់សុភ័ក្ត្រ ភេទប្រុស អាយុ ២៣ឆ្នាំ មុខរបរ កម្មករ ទី៦- ឈ្មោះ ហ៊ីង លីណា ភេទប្រុស អាយុ ២០ឆ្នាំ មុខរបរ មិនពិតប្រាកដ បច្ចុប្បន្នអ្នកទាំង ២នាក់ ស្នាក់នៅភូមិ២១ សង្កាត់ចរាំងចំរេះ១ ខណ្ឌឫស្សីកែវ ទី៧-ឈ្មោះ អេង ម៉េងហុង ភេទប្រុស អាយុ ១៨ឆ្នាំ មុខរបរ សិស្ស ស្នាក់នៅផ្ទះគ្មានលេខ ភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ ទី៨-ឈ្មោះ លន់ វឌ្ឍនា ភេទប្រុស អាយុ ១៦ឆ្នាំ មុខរបរ ជាព្រះសង្ឃ មានស្រុកកំណើតនៅភូមិក្រយាង ឃុំក្រយាង ស្រុកសន្ទុក ខេត្តកំពង់ធំ ទី៩-ឈ្មោះ សេន ម៉ាត់ហេ្សន ភេទប្រុស អាយុ ៣៥ឆ្នាំ មុខរបរ លក់ដូរ ស្នាក់នៅផ្ទះលេខ២៣១៣ ក្រុម២ សង្កាត់ច្រាំងចំរេះ២ ខណ្ឌឬស្សីកែវ និងទី១០-ឈ្មោះ ស្រី សុខសិរីពង្សវឌ្ឍន: ភេទប្រុស អាយុ ១៧ឆ្នាំ មុខរបរ ជាងដែក ស្នាក់នៅផ្ទះលេខ១៨២ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ ព្រមទាំងបានដកហូតម្សៅក្រាមពណ៌(ស)ថ្លា ចំនួន ១កញ្ចប់ធំ ជាប្រភេទ ម៉ាទឹកកក ឧបរករណ៍ប្រើប្រាស់មួយចំនួន និងម៉ូតូ៣គ្រឿង ទី១-ម៉ូតូម៉ាក ហុងដាឌ្រីសង់ សេ១២៥ ស៊េរី២០១០ ពណ៌ខ្មៅ ពាក់ស្លាកលេខ កំពង់ចាម 1B-3243 ទី២-ម៉ូតូម៉ាក ស្មាស់រេវ៉ូ សេ១១០ ស៊េរី២០០៨ ពណ៌ខ្មៅ ពាក់ស្លាកលេខ ភ្នំពេញ 1W-6358 និងទី៣-ម៉ូតូម៉ាក អាយខន ពណ៌ផ្ទៃមេឃលាយស ពាក់ស្លាកលេខ ភ្នំពេញ 1BT-0448៕

photo_2016-10-11_10-49-52

photo_2016-10-11_10-49-42

photo_2016-10-11_10-49-45-2

photo_2016-10-11_10-49-45

photo_2016-10-11_10-49-46

photo_2016-10-11_10-49-47

photo_2016-10-11_10-49-48-2

photo_2016-10-11_10-49-48

photo_2016-10-11_10-49-49

photo_2016-10-11_10-49-50-2

photo_2016-10-11_10-49-50

photo_2016-10-11_10-49-51