Post News Media ព័ត៌មានជាតិ ឃាតកម្មសម្លាប...

ឃាតកម្មសម្លាប់ប្ដីប្រពន្ធ២នាក់នៅកណ្តាលវាលស្រែ ព្រោះ​តែរឿងមាក់ងាយ

ចែកចាយបន្ត

ព្រៃវែង: ប្តីប្រពន្ធ២នាក់ ត្រូវជនសង្ស័យ​សម្លាប់ចោលនៅកណ្តាលវាលស្រែ ក្នុងស្រុកកញ្ជ្រៀច យ៉ាងសាហាវព្រៃផ្សៃនោះ ពេលនេះជនសង្ស័យ​ ត្រូវបានកម្លាំងនគរបាលតាមចាប់បានហើយ។

ស្នងការនគរបាលខេត្តព្រៃវែង លោកឧត្តមសេនីយ៍ត្រី ស្រេង ជា បានឲ្យដឹងនៅព្រឹកព្រលឹមថ្ងៃទី១១ ខែតុលា ឆ្នាំ២០១៦នេះថា ជនសង្ស័យឈ្មោះ ឆាយ ហេងហៅ តឹង។ មូលហេតុដែលជនដៃដល់សម្លាប់ជនរងគ្រោះខាងលើ គឺផ្ដើមចេញពីរឿងជនរងគ្រោះជាប្តីមាក់ងាយខ្លួន រាល់ពេលផឹកស៊ីជាមួយគ្នាម្តងៗ។

តាមចម្លើយសារភាពរបស់ជនដៃដល់បានឲ្យដឹងថា កាលពីវេលាម៉ោង៩យប់ថ្ងៃទី៨ ខែតុលា ឆ្នាំ២០១៦ ខ្លួនពិតជាបានសម្លាប់ទាំងពីរនាក់ប្តីប្រពន្ធនោះពិតប្រាកដមែន។

ជនសង្ស័យ​បានបន្តថា មូលហេតុ ដោយសារខ្លួនខឹងនិងជនរងគ្រោះស្រីជេរប្រមាថមាក់ងាយខ្លួន ពេលខ្លួនហៅជនរងគ្រោះ (ប្តី) មកស៊ីផឹកម្តងៗ កកើតមានគំនុំក្នុងចិត្តចាំសម្លាប់ ឱកាសល្អ ពេលជនរងគ្រោះដើរទៅស្រែពេលយប់ ហើយប្តីដើរទៅមុនឆ្ងាយពីប្រពន្ធ ខ្លួន(ជនសង្ស័យ​) ក៏ស្ទាក់សម្លាប់ប្រពន្ធ ឮសំឡេងស្រែក​ ប្តីមកជួយក៏បន្តសម្លាប់ប្តីទៀត។

សូមបញ្ជាក់ថា ឃាតកម្មនេះ បង្កឲ្យមានការភ្ញាក់ផ្អើលនៅថ្ងៃទី៩ ខែតុលា ឆ្នាំ២០១៦ នៅចំណុចវាលស្រែខាងលិច ភូមិព្រៃផ្តៅ ឃុំកញ្ជ្រៀច ស្រុកកញ្ជ្រៀច ចម្ងាយ៨៥០ម៉ែត្រ ខាងលិចផ្ទះជនរងគ្រោះ។

មន្ដ្រីនគរបាល បានឲ្យដឹងថា មុនពេលកើតហេតុ គេឃើញជនរងគ្រោះទាំង២នាក់ ចេញទៅរកខ្យងនៅវាលស្រែ ម៉ោងប្រហែល៩យប់ ហើយក៏ត្រូវជនមិនស្គាល់មុខសម្លាប់ទាំង២នាក់ នៅកណ្ដាលឲ្យវាលស្រែតែម្ដង លុះព្រឹកឡើងទើបប្រជាពលរដ្ឋ ប្រទះឃើញស្លាប់បាត់ទៅហើយ ចោលកូនម្នាក់ និងចៅម្នាក់។

ជនរងគ្រោះទាំង២នាក់ ប្រពន្ធឈ្មោះ កាក់ ប៊ុនថាន អាយុ៤៨ឆ្នាំ ប្ដីឈ្មោះ មាន យ៉ន អាយុ៤៣ឆ្នាំ។ ក្រោយពីសមត្ថកិច្ចពិនិត្យចប់សព្វគ្រប់ សាកសពត្រូវបាន ប្រគល់ឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី៕

photo_2016-10-11_11-20-01

photo_2016-10-11_11-19-39

photo_2016-10-11_11-19-41

photo_2016-10-11_11-19-49

photo_2016-10-11_11-19-56

photo_2016-10-11_11-19-59