Post News Media ព័ត៌មានជាតិ ភ្លៀងខ្យល់បោក...

ភ្លៀងខ្យល់បោកបង្គោលភ្លើង២ដើម បាក់ទ្រេតដល់ដី

ចែកចាយបន្ត

ភ្នំពេញ: បើតាមអគ្គិសនីកម្ពុជា បង្គោលភ្លើង២ដើម បានបាក់ទ្រេតដល់ដីបន្ទាប់ពីត្រូវរងការវាយប្រហារដោយភ្លៀងខ្យល់បោកបក់ខ្លាំងនាប៉ុន្មានថ្ងៃនេះ នៅរាជធានីភ្នំពេញ។ ករណីបាក់បង្គោលភ្លើងនេះ បានបណ្ដាលឲ្យដាច់ចរន្តអគ្គិសនីនៅតំបន់មួយចំនួនផងដែរ។

អគ្គិសនីកម្ពុជា ឲ្យដឹងថា ករណីដាច់ចរន្តអគ្គិសនីពីអនុស្ថានីយទី៧ (GS7-F9) ដោយសារមូលហេតុមកពីមានភ្លៀង និងខ្យល់ខ្លាំងបណ្តាលឲ្យបាក់បង្គោលបណ្តាញតង់ស្យុងមធ្យម(MV) ចំនួន២ដើម ដែលមានទីតាំងស្ថិតនៅ(១)ផ្លូវជាតិលេខ១ ភូមិជ្រោយអំពិល សង្កាត់ក្បាលកោះ ភូមិចំពុះក្អែក សង្កាត់ព្រែកថ្មី ភូមិបោះអង្កាញ់ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ និង(២)ភូមិព្រែករាំង១ ភូមិព្រែករាំង២ សង្កាត់តាខ្មៅ ក្រុងតាខ្មៅ ផ្លូវជាតិលេខ១ ភូមិទួលក្របៅ ឃុំគគីរ ភូមិខ្សំ ភូមិកណ្ដាលលើ ឃុំបន្ទាយដែក ភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្ដាល។

ក្រុមការងារបច្ចេកទេសបានធ្វើការជួសជុល និងភ្ជាប់ចរន្តជូនអតិថិជនឲ្យមានចរន្តប្រើប្រាស់ឡើងវិញនៅវេលាម៉ោង៩:៥៣នាទីព្រឹក។ លើកលែងតែតំបន់មួយចំនួន ដែលស្ថិតនៅទីប្រជុំជនក្រោលគោ ស្រុកស្វាយជ្រំ ទីរួមខេត្តស្វាយរៀង។ ក្រុមការងារបច្ចេកទេស កំពុងប្រឹងប្រែងជួសជុលបន្តទៀត ដើម្បីភ្ជាប់ចរន្តអគ្គិសនីឲ្យអតិថិជនឆាប់មានចរន្តប្រើប្រាស់ឡើងវិញ៕

14606408_807518299390711_1598115426168514269_n

14611011_807518326057375_5666749863615272829_n

14670668_807518296057378_4629651051539697718_n

14702367_807518316057376_1235942803445104371_n