Post News Media ព័ត៌មានជាតិ នគរបាលស្រុកលំ...

នគរបាលស្រុកលំផាត់ចុះបង្ក្រាបទីតាំងរុករករ៉ែត្បូងមួយកន្លែង នៅស្រុកលំផាត់

ចែកចាយបន្ត

រតនគិរី: កម្លាំងអធិការនគរបាលស្រុកលំផាត់សហការជាមួយមន្ត្រីរ៉ែ និងថាមពល បានចុះត្រួតពិនិត្យកន្លែងប្រជាពលរដ្ឋជាង២០នាក់ជីកយករ៉ែត្បូងដោយខុសច្បាប់នៅស្រុកលំផាត់។

ការចុះត្រួតពិនិត្យនោះនៅរសៀលថ្ងៃទី១១ ខែតុលា ឆ្នាំ២០១៦ កងកម្លាំងនគរបាលអធិការស្រុកលំផាត់ បានសហការណ៍ជាមួយមន្ត្រីមន្ទីររ៉ែ និងឋាមពលខេត្តចុះត្រួតពិនិត្យកន្លែងកើតហេតុ ករណីប្រជាពលរដ្ឋជីកយករ៉ែត្បួងដោយខុសច្បាប់នេះមានចំនួន ២កន្លែង ស្ថិតក្នុងភូមិសាស្ត្រភូមិចាងរ៉ា ឃុំបាតាង ស្រុកលំផាត់ ខេត្តរតនគិរី។

ករណីខាងលើនេះកម្លាំងចុះដល់ឃើញប្រជាពលរដ្ឋមានចំនួនជាង២០ម្នាក់កំពុងប្រព្រឹត្ត ខណ:ពេលដែលឃើញសមត្ថកិច្ចចុះទៅដល់ ក៏នាំគ្នារត់គេចខ្លួនចូលក្នុងព្រៃបាត់ ដោយគ្មានបន្សល់ទុកវត្ថុតាង(ឧបករណ៍)អ្វីឡើយ។

សមត្ថកិច្ចជំនាញបានធ្វើកំណត់ហេតុត្រូតពិនិត្យ លើភស្ដុតាងឃើញរណ្ដៅមានចំនួន១៥០រណ្ដៅឯណ្ណោះ សមត្ថកិច្ចបានដំណើរការឲ្យម្ចាស់ចំការ ១- ឈ្មោះ ជុំ គឹមស ភេទ ប្រុស និង ២- ឈ្មោះ ហម សារឿន ភេទ ប្រុស រស់នៅភូមិ- ឃុំ កើតហេតុខាងលើធ្វើកិច្ចសន្យាបញ្ឈប់សកម្មភាពជីកយករ៉ែត្បួងបន្តទៅទៀត។ បើចង់ធ្វើសកម្មភាពនេះបន្តត្រូវជំរាបជួនដល់ថ្នាក់ខេត្ត និងមន្ទីរឲ្យខាងជំនាញពិនិត្យនិងស្រាវជ្រាវវាយតម្លៃនិងចេញច្បាប់អនុញ្ញាតិទើបអាចធ្វើបាន៕

photo_2016-10-11_18-42-38

photo_2016-10-11_18-42-44

photo_2016-10-11_18-42-47

photo_2016-10-11_18-42-50

photo_2016-10-11_18-42-52

photo_2016-10-11_18-42-54

photo_2016-10-11_18-42-57