Post News Media ព័ត៌មានជាតិ ស្ទីលថ្មីជួលក...

ស្ទីលថ្មីជួលក្មេងឲ្យលក់គ្រឿងញៀន

ចែកចាយបន្ត

ភ្នំពេញ: ក្រោមមេឃស្រទុំ និងរលឹមស្រិចៗ កម្លាំងនគរបាលខណ្ឌទួលគោក ចុះរក្សាសន្តិសុខក្នុងមូលដ្ឋាន ហើយក៏បានឃាត់ខ្លួនក្មេងប្រុសម្នាក់ រួមនឹងថ្នាំញៀនចំនួន៨កញ្ចប់តូច ត្រង់ចំណុចដើមពោធិ ផ្លូវរថភ្លើង ភូមិ១ សង្កាត់បឹងកក់១ ខណ្ឌទួលគោក រាជធានីភ្នំពេញ នៅ ម៉ោង៩និង១០នាទីព្រឹកថ្ងៃទី១២ ខែតុលា ឆ្នាំ២០១៦។

មន្ត្រីសមត្ថកិច្ចបានឲ្យដឹងថា ក្មេងសង្ស័យមានឈ្មោះ កាក់ ភេទប្រុស អាយុ១២ឆ្នាំ ស្នាក់នៅម្តុំផ្លូវរថភ្លើង តែមិនបានប្រាប់ពីអាណាព្យាបាលឡើយ ដោយនិយាយម្តងលិចម្តងកើត ម្តងចេះម្តងចុះ រកតែកំណត់អ្វីឲ្យច្បាស់ការមិនបាន។

សមត្ថកិច្ចបានបញ្ជាក់ទៀតថា ក្មេងប្រុសរូបនេះបានឈរចែកចាយគ្រឿងញៀននៅចំណុចកើតហេតុខាងលើ ដោយសារក្រុមអ្នកជួញដូរគ្រឿងញៀនប្រើរូបភាពជួលក្មេងៗអនាថា ដែលដើរដេកតាមសំយ៉ាបផ្ទះ រោងទុកចោល មកឈរលក់ចែកចាយថ្នាំញៀន។ ដូច្នេះសមត្ថកិច្ច ពិបាកក្នុងការសាកសួរ ដើម្បីស្វែងរកមេក្លោងធំៗ ហើយក្មេងៗទាំងនោះហាក់ដូចត្រូវបានហ្វឹកហាត់ធ្វើជាឡេឡឺមិនដឹងខ្យល់ និងមិនឆ្លើយប្រាប់ព័ត៌មានអ្វីឡើយ។

បច្ចុប្បន្នក្មេងសង្ស័យរួមទាំងវត្ថុតាង ត្រូវនគរបាលឃាត់ខ្លួនបណ្តោះអាសន្ន ដើម្បីសាកសួរ និងបញ្ជូនទៅមណ្ឌលកែប្រែ៕

photo_2016-10-12_10-41-04

photo_2016-10-12_10-40-49

photo_2016-10-12_10-40-51

photo_2016-10-12_10-40-53

photo_2016-10-12_10-40-55

photo_2016-10-12_10-40-58