Post News Media ព័ត៌មានជាតិ ជាងដែកបន្ថែមអ...

ជាងដែកបន្ថែមអាជីពជួញដូរគ្រឿញៀន ត្រូវសមត្ថកិច្ចឃាត់ខ្លួន

ចែកចាយបន្ត

កណ្ដាល: ជនសង្ស័យម្នាក់ ត្រូវបានសមត្ថកិច្ចធ្វើការឃាត់ ពីបទជួញដូរគ្រឿងញៀន បន្ទាប់ពីត្រួតពិនិត្យរកឃើញថ្នាំញៀន៦កញ្ចប់នៅជាប់និងខ្លួន។ ការឃាត់ខ្លួននេះធ្វើឡើងនៅវេលាម៉ោង៩និង៤០នាទីយប់  ថ្ងៃទី១១ ខែតុលា ឆ្នាំ២០១៦ ស្ថិតនៅចំណុច ភូមិទួលស្វាយ ឃុំឈើខ្មៅ ស្រុកកោះធំ ខេត្តកណ្ដាល។

សមត្ថកិច្ចបានឲ្យដឹងថា ជនសង្ស័យឈ្មោះ ប៉េង រតនា (ហៅ គូក) ភេទ ប្រុស អាយុ២៧ឆ្នាំ ជនជាតិខ្មែរ មានទីលំនៅ ភូមិទួលស្វាយ ឃុំឈើខ្មៅ ស្រុកកោះធំ ខេត្តកណ្ដាល មុខរបរជាងដែក ដោយដកហូតបានម្សៅក្រាមពណ៌សថ្លា (ម៉ាទឹកកក)ចំនួន៦កញ្ចប់តូច និងទូរស័ព្ទចល័ត១គ្រឿង។

នៅចំពោះមុខាមត្ថកិច្ចជនសង្ស័យបានឆ្លើយសារភាពថា ចំពោះថ្នាំញៀននេះ ពិតជារបស់ខ្លួន ហើយខ្លួនបានទិញយកមកទុកលក់បន្ត។

បច្ចុប្បន្នជនសង្ស័យ រួមនឹងវត្ថុតាង ត្រូវបានសមត្ថកិច្ចបញ្ជូនមកកាន់អធិការដ្ឋាននគរបាលស្រុកកោះធំ ដើម្បីចាត់ការបន្តតាមនីតិវិធីច្បាប់៕

photo_2016-10-12_10-32-26

photo_2016-10-12_10-32-28