Post News Media ព័ត៌មានជាតិ ពលរដ្ឋ​៤២​គ្រ...

ពលរដ្ឋ​៤២​គ្រួសារ​​ ស្នើសុំ​សម្ដេច​តេជោ ​ជួយ​ផ្ដល់ដី​កាន់​កាប់​ស្របច្បាប់​ ​ខណ:មានការ​គំរាមពី​អាជ្ញាធរ​

ចែកចាយបន្ត

កំពង់ធំ: ប្រជាពលរដ្ឋ៤២គ្រួសារនៅភូមិបាក់ស្រី ឃុំគោល ស្រុកបាសាទសំបូរ ខេត្តកំពង់ធំបានអះអាងថា ពួកគាត់មានការភ័យខ្លាច ដោយសារតែអាជ្ញាធរឃុំគំរាម រឿងពួកគាត់សុំឲ្យអ្នកសារព័ត៌មាន ជួយចម្លងទុក្ខលំបាក របស់ពួកគាត់ជូនលោកអភិបាលខេត្ត និងសម្ដេចតេជោ ហ៊ុន សែន នាយករដ្ឋមន្ត្រី ពីរឿងអាជ្ញាធរឃុំមិនឲ្យពួកគាត់បង្កបង្កើនផលនៅលើដីរបស់គាត់ ដែលពួកគាត់បានកាន់កាប់តាំងពីឆ្នាំ១៩៨២ រហូតមកទល់បច្ចុប្បន្ន និងពួកគាត់សុំឲ្យសម្ដេច   ជួយផ្ដល់ដីនោះជាកម្មសិទ្ធ ស្របច្បាប់ដល់ពួកគាត់។

ប្រជាពលរដ្ឋទាំងនោះ បានបន្តថា ដីនោះ ពួកគាត់ខ្លះបានកាន់កាប់ និងអាស្រ័យផលតាំងពីឆ្នាំ១៩៨២ និងខ្លះទៀត បានកាន់កាប់បន្តបន្ទាប់ មកត្រឹមឆ្នាំ១៩៩៩ ហើយបានអាស្រ័យផលរហូតមកដល់បច្ចុប្បន្ន ចំណែកសហគមន៍បានកើតឡើងនៅឆ្នាំ២០០២ តែប៉ុណ្ណោះ។

ប្រជាពលរដ្ឋ បានបន្តថា ដីទំនាស់ទំហំ ៧០,១៧ហិតា ស្មើនឹងប្រជាពលរដ្ឋ៤២គ្រួសារ ជាដីលំនៅឋានផង និងបង្កបង្កើនផលផង ហើយដីនេះ ក៏បានត្រូវនិស្សិតចុះវាស់វែងដែរ ដោយមូលហេតុនេះហើយ ទើបសង្ឃឹមថា ពួកគាត់នឹងបានគ្រប់គ្រងដីនេះ ជាកម្មសិទ្ធស្របច្បាប់ ស្រាប់តែថ្មីនេះ នៅពេលពួកគាត់ខ្លះ មានដំណាំលែងឲ្យផល ដោយដើមចាស់យូរឆ្នាំ ឬត្រូវកែប្រែដំណាំថ្មីនោះ ស្រាប់តែប៉ូលិសប៉ុស្តិ៍មកហាមឃាត់ ដោយប្រាប់ថា លោកមេឃុំបញ្ជាឲ្យមកឃាត់ ទើបមានការភ្ញាក់ផ្អើលឡើងជាថ្មីម្ដងទៀត ជាមួយគ្នានេះ ពួកគាត់ក៏បានសុំឲ្យអ្នកសារព័ត៌មានជួយនាំដំណឹងជូនថ្នាក់ដឹកនាំខេត្ត ជាពិសេសសម្តេចអគ្គមហាសេនាបតីតេជោ ហ៊ុន សែន។

ពួកគាត់បន្តថា សហគមន៍កើតឡើងនៅឆ្នាំ២០០២នោះ គឺដីព្រៃសហគមន៍ត្រឹមព្រំប្រទល់ដីប្រជាពលរដ្ឋកាន់កាប់ ប៉ុន្តែនៅពេលនោះ មានក្រុមហ៊ុនចិន១ ទៅបម្រុងហ៊ុំព័ទ្ធយកដីនៅម្ដុំនោះ ក៏បានធ្វើឲ្យប្រជាពលរដ្ឋមានការភ័យខ្លាច គួបផ្សំនឹងខាងសហគមន៍និយាយថា ដាក់ដីនេះ ចូលមកសហគមន៍ គឺសហគមន៍ជួយប្រជាពលរដ្ឋតែប៉ុណ្ណោះ ខ្លាចក្រុមហ៊ុននោះយក ប៉ុន្តែមិនដាក់បញ្ចូល ទៅក្នុងដីព្រៃសហគមន៍ជាផ្លូវការណ៍នោះទេ គ្រាន់តែដាក់ជាគម្របព្រៃ (របង)ការពារដីព្រៃសហគមន៍តែប៉ុណ្ណោះ ដីប្រជាពលរដ្ឋនៅតែប្រជាពលរដ្ឋដដែល។

ប្រជាពលរដ្ឋខាងលើ បានបញ្ជាក់ថា ចំពោះការហាមមិនឲ្យប្រជាពលរដ្ឋ ដាំដំណាំជាថ្មីនេះ គឺមិនទូទៅ ចំពោះអ្នកមានលុយ គឺដំណើរការបានយ៉ាងរលូន គឺហាមឃាត់តែអ្នកទន់ខ្សោយតែ ប៉ុណ្ណោះក្នុងចំណោមដីនេះដូចគ្នា៕

3

4

5

6

1

2