Post News Media ព័ត៌មានជាតិ ក្របួចបានចោរល...

ក្របួចបានចោរលួចគាស់កែបម៉ូតូយកទ្រព្យសម្បត្តិបានម្នាក់រត់រួច២នាក់

ចែកចាយបន្ត

ភ្នំពេញ: ជនសង្ស័យម្នាក់ក្នុងចំណោមបក្ខពួកបីនាក់ ដែលបានធ្វើសកម្មភាពលួចកាបូបលុយ នៅជាប់និងម៉ូតូ ត្រូវបានម្ចាស់ឃើញទាន់ស្រែកឆោឡោរ ដេញចាប់បានម្នាក់វាយឡើងទ្រោមខ្លួន ទើបប្រគល់ឲ្យសមត្ថកិច្ច ចំណែក២នាក់ទៀតរត់រួច។ ហេតុការណ៍កាភ្ញាក់ផ្អើលនេះកើតឡើងកាលពីវេលា ម៉ោង១០និង៥នាទីព្រឹក ថ្ងៃទី១២ ខែតុលា ឆ្នាំ២០១៦ ស្ថិតនៅក្នុងផ្សារបុរី លឹម ឈាងហាក់ ភូមិឬស្សី១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

យោងតាមប្រភពពីប្រជាពលរដ្ឋដែរ នៅក្បែរកន្លែងកើតហេតុ បានឲ្យដឹងថា មុនពេលកើតហេតុ គាត់បានឃើញជនសង្ស័យ ជិះម៉ូតូមួយគ្រឿង មានគ្នា៣នាក់ បានមកឈប់នៅក្បែរ ម៉ូតូមួយគ្រឿងទៀត ហើយដើរទៅ លូកយកកាបូបលុយ ដែលម្ចាស់គេ ប៉ុន្តែត្រូវបានម្ចាស់កាបូបបានឃើញទាន់ក៏ ស្រែកឆោឡោឡើង ធ្វើឲ្យក្រុមជនសង្ស័យភ័យរត់គេច ខ្លួនបាត់នៅសល់តែអ្នកបើកម៉ូតូរត់មិនរួចត្រូវបានប្រជាពលរដ្ឋ ដែលនៅក្បែរៗនោះចាប់បានវាយម្នាក់មួយដៃមួយជើងទ្រោមខ្លួន និងបែកមុខហើយបានប្រគល់ឲ្យសម្ថតកិច្ច។

សមត្ថកិច្ចមូលដ្ឋានបានឲ្យដឹងថា តាមចម្លើយសារភាពរបស់ជនសង្ស័យ ខ្លួនពិតជាបានលួចកាបូបជនរងគ្រោះខាងលើពិតប្រាកដមែន ជនសង្ស័យមានឈ្មោះ វ៉ា សាលាភ អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិមានជ័យ សង្កាត់ស្ទឹងមានជ័យ ដោយធ្វើសកម្មភាពមានគ្នា៣នាក់ ឃាត់ខ្លួនបានម្នាក់ និង ម៉ូតូ១គ្រឿង ម៉ាក់ស្ទេព(STEP) ពណ៌ផ្កាឈូក ពាក់ស្លាកលេខ ភ្នំពេញ1W-1779។

បច្ចុប្បន្នជនសង្ស័យត្រូវបានសមត្ថកិច្ចធ្វើការសាកសួរ និងកសាងសំណុំរឿងបញ្ចូនទៅអធិការដ្ឋានខណ្ឌមានជ័យ ដើម្បីកសាងសំណុំរឿងបញ្ជូនខ្លួនទៅកាន់ តុលាកាេ ចាត់ការតាមផ្លូវច្បាប់៕

ចោរលួចកាបូប