Post News Media ព័ត៌មានជាតិ ជិះម៉ូតូលឿនមិ...

ជិះម៉ូតូលឿនមិនប្រកាន់ស្ដាំជ្រុលទៅបុកជាមួយរថយន្តពេញទំហឹងស្លាប់មួយរំពេច

ចែកចាយបន្ត

ស្វាយរៀង: យុវជនម្នាក់បើកម៉ូតូក្នុងល្បឿងលឿនមិនប្រកាន់ស្ដាំ ជ្រុលទៅបុកជាមួយរថយន្ដពេញមួយទំហឹង បណ្ដាលឲ្យស្លាប់ បាត់បងជីវិតមួយរំពេច។ ហេតុការណ៍គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង៦ និង២០នាទី ល្ងាចថ្ងៃទី១១ ខែតុលា ឆ្នាំ២០១៦នេះ នៅលើផ្លូវជាតិលេខ១ ស្ថិតនៅក្នុងភូមិត្រពាំងផ្លុង សង្កាត់បាទី ក្រុងបាវិត ខេត្តស្វាយរៀង ។

សមត្ថកិច្ចក្រុងបាវិតបានឲ្យដឹងថា មុនពេលកើតហេតុ មានម៉ូតូ១គ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខស្វាយរៀង 1E-1792 បើកបរដោយយុវជនម្នាក់ឈ្មោះ ឌិន ស៊ីនួន ភេទប្រុស អាយុ១៨ ឆ្នាំ មុខរបរកសិករ រស់នៅភូមិព្រៃផ្ដៅ បើកបរពីកើតទៅលិច លុះមកដល់ចំណុចកើតហេតុខាងលើក៏ទៅបុកនិងរថយន្តម៉ាកហ៊ីយ៉ាន់ដាយ ចំណុះ២តោនកន្លះ ពាក់ស្លាកលេខភ្នំពេញ 3B-2539 ពណ៌ខៀវ បើកបរពីលិចទៅកើត បណ្ដាលឲ្យអ្នកបើកបរម៉ូតូស្លាប់នៅកន្លែងកើតហេតុ។

សមត្ថកិច្ចបន្តថា ក្រោយពីកើតហេតុភ្លាម អ្នកបើកបររថយន្តបានរត់គេចចេញពីកន្លែងកើតហេតុបាត់បន្សល់ទុកតែរថយន្ត។ បច្ចុប្បន្ន សាកសពត្រូវបានសមត្ថកិច្ចយើងប្រគល់ជូនក្រុមគ្រួសារយកធ្វើបុណ្យតាមប្រពៃណី។ រីឯរថយន្ត និងម៉ូតូជនរងគ្រោះត្រូវសមត្ថកិច្ចអូសយកទៅរក្សាទុកនៅអធិការដ្ឋាននគរបាលក្រុងបាវិត ដើម្បីដោះស្រាយតាមផ្លូវច្បាប់៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍