Post News Media ព័ត៌មានជាតិ ស្មានថារន្ទះប...

ស្មានថារន្ទះបាញ់មនុស្សកណ្តាលថ្ងៃត្រង់ តាមពិត…

ចែកចាយបន្ត

ស្ទឹងត្រែង: គ្រោះថ្នាក់ចរាចរណ៍មួយបានកើតឡើង រវាងម៉ូតូ២គ្រឿងបើកបរក្នុងល្បឿនលឿនជ្រុលបុកគ្នាពេញទំហឹងលាន់ឭដូចរន្ទះ បណ្តាលឲ្យបុរស២នាក់រងរបួសធ្ងន់និងស្រាល ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ។ ហេតុការណ៍នេះបានកើតឡើងកាលពីវេលាម៉ោង៨ និង៥០នាទី ព្រឹកថ្ងៃទី១២ ខែតុលា ឆ្នាំ២០១៦ ស្ថិតនៅត្រង់ចំណុចក្បែរស្នងការដ្ឋាននគរបាលខេត្តស្ទឹងត្រែង។

ប្រភពពីអ្នកឃើញហេតុការណ៍បាននិយាយថា មុនពេលកើតហេតុ គេបានឃើញម៉ូតូដឹកប្រេង បើកក្នុងល្បឿនលឿនទិសដៅបញ្ច្រាសទិសគ្នាពីត្បូង ទៅ ជើងសង្ស័យប្រញ៉ាប់ទៅការ៉ាស់វិញ ព្រោះទើបតែមកពីយកប្រេងដាក់ឲ្យម៉ូយរួច លុះពេលមកដល់ចំណុចកើតហេតុខាងលើក៏ស្រាប់តែមានម៉ូតូមួយគ្រឿងទៀតមកពីខាងរង្វង់មូលថ្មីទិសដៅពីជើង ទៅត្បូងក្នុងបំណងបត់ចូលគ្រិះស្ថានមីក្រូហិរញ្ញវត្ថុប្រាសាក់ ក៏ស្រាប់តែម៉ូតូដឹងប្រេងនោះវ៉ាក ជាន់ហ្វ្រាំងមិនជាប់ក៏បុកយ៉ាងពេញទំហឹងលាន់ឭដូចរន្ទះ បណ្តាយឲ្យម៉ូតូដឹកប្រេងបាក់បូមមុខខូចខាតទាំងស្រុងម្ចាស់រងរបួសស្រាល ចំណែកឯម៉ូតូភាគីម្ខាងទៀតបែកកង់ទ័រផ្នែកខាងស្តាំម្ចាស់ម៉ូតូរងរបួសធ្ងន់ត្រូវបានប្រជាពលរដ្ឋរស់នៅក្បែរកន្លែងកើតហេតុ បានឃើញដឹកយកទៅសង្គ្រោះបន្ទាន់នៅមន្ទីរពេទ្យបង្អែកខេត្ត ដើម្បីព្យាបាលភ្លាមៗផងដែរ ។ ប្រភពដដែលបានបន្តថា ដោយសារតែស្ថានភាពជនរងគ្រោះ ឈ្មោះ ជា តៃហ៑ មានសភាពធ្ងន់ធ្ងរពេក ទើបលោកគ្រូពេទ្យ បានស្នើឲ្យគ្រួសារជនរងគ្រោះបញ្ជូន
ជនរងគ្រោះទៅព្យាបាលបន្តនៅមន្ទីរពេទ្យក្រុងភ្នំពេញតែម្តងទៅ។

ក្នុងនោះជនរងគ្រោះខាងលើទី១មានឈ្មោះ ជា តៃហ៑ អាយុ៤៦ឆ្នាំ មុខរបររត់ម៉ូតូឌុប រស់នៅភូមិព្រែក ក្រុងស្ទឹងត្រែង។ និងជនរងគ្រោះទី២ ឈ្មោះ ពុធ អាយុ២១ឆ្នាំ មុខរបរជាកម្មកដឹកប្រេងឲ្យស្ថានីយ៍ប្រេងឥន្ទន:យីហោ ស្រូយ រស្មី ដែលមានទីតាំងនៅជិតរង្វង់មូលថ្មី ស្ថិតក្នុងភូមិត្រពាំងព្រីង ក្រុងស្ទឹងត្រែង ហើយក៏ត្រូវជាក្មួយរបស់ថៅកែរការ៉ាស់ប្រេងផងដែរ។

បច្ចុប្បន្ន ជនរងគ្រោះឈ្មោះ ជា តៃហ៑ ត្រូវបានក្រុមគ្រួសាររៀបចំបញ្ជូនបន្តទៅព្យាបាលនៅមន្ទីពេទ្យក្រុងភ្នំពេញ ចំណែកម៉ូតូដែលរងការខូចខាតក៏ត្រូវបានសមត្ថកិច្ចអូសយកមករក្សាទុកនៅស្នងការដ្ឋាននគរបាលខេត្តស្ទឹងត្រែង ដើម្បីរង់ចាំភាគីទាំងសងខាង ចូលខ្លួនមកដោះស្រាយគ្នាតាមផ្លូវច្បាប់៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍