Post News Media ព័ត៌មានជាតិ សមត្ថកិច្ចកម្...

សមត្ថកិច្ចកម្ពុជាឃាត់ខ្លួនជនជាតិវៀតណាមនៅក្នុងខណ្ឌច្បារអំពៅ

ចែកចាយបន្ត

ភ្នំពេញ: កម្លាំងនគរបាលអន្តោប្រវេសន៍នៃក្រសួងមហាផ្ទៃ ដែលដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនិតិវិធី សហការជាមួយកម្លាំងការិយាល័យនគរបាលអន្តោប្រវេសន៍រាជធានីភ្នំពេញ ដោយមានការសម្របសម្រួលពីលោកសៀង សុខ ព្រះរាជអាជ្ញាអមសាលាដំបូងរាជធានីភ្នំពេញ ចុះធ្វើការឃាត់ខ្លួនជនជាតិវៀតណាមខុសច្បាប់ចំនួន១០នាក់យកមកធ្វើការសាកសួរកាលពីវេលាម៉ោង៦ព្រឹកថ្ងៃទី១២ ខែតុលា ឆ្នាំ២០១៦ ស្ថិតនៅតាមបណ្តាផ្ទះជួលមួយចំនួន ច្រកចូលវត្តកំសាន្ត ភូមិព្រះពន្លា ក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
លោកឧត្តសេនីយ៍ទោ អ៊ុក ហៃ សីឡា ប្រធាននាយកដ្ឋានស៊ើបអង្កេត និងអនុវត្តន៍និតិវិធីបានឲ្យដឹងថា ដោយទទួលបាននូវបញ្ជាពីលោកនាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីធ្វើយ៉ាងណាឲ្យការអនុវត្តន៍ច្បាប់អន្តោប្រវេសន៍របស់ព្រះរាជាណាចក្រកម្ពុជាយើងឲ្យមានប្រសិទ្ធភាពខ្ពស់នោះ។ ក្នុងព្រឹកនេះដែរកម្លាំងរបស់លោក សហការជាមួយនិងកម្លាំងការិយាល័យនគរបាលអន្តោប្រវេសន៍រាជធានីភ្នំពេញ ដោយមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញនោះ បានចុះប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនៅតាមបណ្តាផ្ទះជួលមួយចំនួនដែលស្ថិតនៅចំណុចខាងនេះ។ ហើយនៅក្នុងប្រតិបត្តិការណ៍នេះដែរកម្លាំងរបសលោកបានធ្វើការឃាត់ខ្លួនជនជាតិវៀតណាមចំនួន១០នាក់ ក្នុងនោះមានស្រីចំនួន៥នាក់ ដែលពួកគេកំពុងតែលួចស្នាក់នៅ និងបំពេញការងារដោយគ្មានលិខិតស្នាមអ្វីសោះឡើយនោះ។ ក្រោយពីធ្វើការត្រួតពិនិត្យនិងឃាត់ខ្លួនក្រុមជនអន្តោប្រវេសន៍ខុសច្បាប់ជាជនជាតិវៀតណាមទាំងខាងលើ ។
ក្រោយពីប្រតិបត្តិការត្រួតពិនិត្យការស្នាក់នៅនិងបំពេញការងារបស់កម្លាំងនគរបាលអន្តោប្រវេសន៍នៅក្នុងតំបន់ខាងលើរួចហើយ ក្រុមបុរសជាងឈើជាជនជាតិវៀតណាមទាំង១០នាក់ (ស្រី៥នាក់)ត្រូវបានឃាត់ខ្លួនបញ្ជូនខ្លួនទៅកាន់អគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ ដើម្បីរង់ចាំធ្វើការបណ្តេញចេញទៅតាមច្បាប់។ ហើយកម្លាំងរបស់លោកក៏នៅតែបន្តសកម្មភាពរបស់លោកជាបន្តសកម្មភាពដូចភ្លៀងរលឹម ទៅលើគ្រប់សញ្ជាតិទាំងអស់៕

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍