Post News Media ព័ត៌មានជាតិ បើករថយន្តឆ្លង...

បើករថយន្តឆ្លងផ្លូវទៅបុកម៉ូតូមួយគ្រឿងពេញទំហឹង បណ្តាលឲ្យមនុស្ស២នាក់របួស

ចែកចាយបន្ត

ភ្នំពេញ: គ្រោះថ្នាក់ចរាចរណ៍មួយបង្កឡើងដោយបុរសម្នាក់ បានបើករថយន្តមួយគ្រឿងឆ្លងផ្លូវមិនប្រយត្ន័ជ្រុលទៅបុកម៉ូតូមួយគ្រឿងដែលកំពុងជិះឌុបគ្នាដោយបុរស២នាក់ បណ្តាលឲ្យម្នាក់របួសធ្ងន់និងម្នាក់ទៀតរបួសស្រាល ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី១៣ ខែតុលា ឆ្នាំ២០១៦ ស្ថិតនៅតាមបណ្តោយផ្លូវសហព័ន្ធរុស្សី ម្តុំបុរីញ៉ូថោន ស្ថិតក្នុងភូមិក្បាលដំរី សង្កាត់កាកាប ខណ្ឌពោធិសែនជ័យ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញបុរសម្នាក់បើករថយន្តហាយឡែនឌ័រមួយគ្រឿង ពណ៌ទឹកមាស ពាក់ស្លាកលេខ 2J-2328 បើកចេញក្នុងបុរីញ៉ូថោនទិសដៅពីលិចទៅកើត ឡើងមកផ្លូវសហព័ន្ធរុស្សី ចំណែកម៉ូតូរងគ្រោះ ម៉ាកហុងដាសេ១២៥ ស៊េរីឆ្នាំ២០១២ ពាក់ស្លាកលេខភ្នំពេញ 1BF-7956 ជិះឌុបគ្នាដោយបុរស២នាក់តាមបណ្តោយផ្លូវសហព័ន្ធរុស្សីទិសដៅពីជើងទៅត្បូង ខណ:មកដល់ចំណុចកើតហេតុ ម៉ូតូបានវ៉ាកអ៊ឺ ចាប់ហ្វ្រាំងមិនទាន់ជ្រុលទៅបុកចំទ្វាក្រោយ ហួលទៅបុកកាងឡានឲ្យដួលបោកនឹងថ្នល់ បណ្តាលឲ្យអ្នកឌុបរងរបួសធ្ងន់ រីឯអ្នកជិះក្រោយរងរបួសស្រាល ចំណែករថយន្តខូតខាតទ្វាបាក់កាងក្រោយ និងបែកកង់ក្រោយឆ្វេងទៅមុខលេងរួច ។

ក្រោយពេលកើតហេតុ ជនរងគ្រោះទាំង២នាក់ត្រូវបានរថយន្តគ្លីនិក ហុង ហាក់ មកដឹកទៅសង្គ្រោះបន្ទាន់ ចំណែកម៉ូតូនិងរថយន្ត ត្រូវបាននគរបាលជំនាញចរាចណ៍វាស់វែងយកទៅរក្សាទុក នៅផ្នែកចរាចណ៍ខណ្ឌពោធិសែនជ័យ ដើម្បីរង់ចាំការដោះស្រាយគ្នានៅពេលក្រោយតាមផ្លូវច្បាប់ ៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍