Post News Media ព័ត៌មានជាតិ កំពុងធ្វើរថយន...

កំពុងធ្វើរថយន្តនៅចិញ្ចើមផ្លូវត្រូវបានរថយន្តមួយគ្រឿងទៀតបុកស្លាប់មួយប៉ប្រិចភ្នែក

ចែកចាយបន្ត

ពោធិ៍សាត់: គ្រោះថ្នាក់ចរាចរណ៍ដ៏រន្ធត់មួយបានកើតឡើង បន្ទាប់ពីបុរសម្នាក់កំពុងធ្វើរថយន្តនៅចិញ្ចើមផ្លូវ ត្រូវបានរថយន្តមួយគ្រឿងផ្សេងទៀតបើកមកបុកនិងកិនបណ្តាលឲ្យបែកក្បាលធ្លាយខួរស្លាប់ភ្លាមៗក្នុងមួយប៉ប្រិចភ្នែក។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីទាបភ្លឺឈានចូល ថ្ងៃទី១៣ ខែតុលា ឆ្នាំ២០១៦ ស្ថិតនៅចំណុចផ្លូវជាតិលេខ៥ ចន្លោះគីឡូម៉ែត្រលេខ ១៦២-១៦៣ ក្នុងភូមិស្វាយស ឃុំស្នាអន្សា ស្រុក្រគរ ខេត្តពោធិ៍សាត់ ។

ប្រភពព័ត៌មានពីសមត្ថកិច្ចដែលចុះទៅធ្វើការពិនិត្យដល់កន្លែងកើតហេតុ បានឲ្យដឹងថា សាកសពជនរងគ្រោះដែលត្រូវបានរថយន្តបុកនិងកិនស្លាប់ខាងលើនេះមានឈ្មោះ អៀម វាសនា ភេទប្រុស អាយុ៣២ឆ្នាំ ស្នាក់នៅក្នុងភូមិបញ្ញាជី ឃុំត្បូងក្រពើរ ស្រុកសន្ទុក ខេត្តកំពង់ធំ។ ចំណែកអ្នកបើកបររថយន្តបង្ក រត់គេចខ្លួនបាត់។

ប្រភពព័ត៌មានពីសមត្ថកិច្ចដដែលបានបន្តថា មុនពេលកើតហេតុ ជនរងគ្រោះ បានបើករថយន្ត ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3D-5606 ក្នុងទិសដៅពីលិចទៅកើត លុះបានមកដល់ចំណុចកើតហេតុ រថយន្តនេះបានដាច់ក្រឡេ
ទើបជនរងគ្រោះបានឈប់រថយន្ត រួចចុះធ្វើការជួសជុលនៅចិញ្ចើមថ្នល់ខាងត្បូង ខណ:នោះស្រាប់តែរថយន្តបង្ក ម៉ាកហ៊ីណូ ពណ៌ត្រាវ ពាក់ស្លាកលេខ កំពង់ចាម
3A-0579 បើកបរដោយបុរសម្នាក់ ក្នុងទិសដៅបញ្ច្រាសទិសគ្នាពីកើតទៅលិច បានបើកមកគៀរបុកជនរងគ្រោះ រួចកិនចំក្បាលបណ្តាលឲ្យធ្លាយខួរស្លាប់ភ្លាមៗនៅនឹងកន្លែងក្នុងមួយប៉ប្រិចភ្នែកយ៉ាងអាណោចអាធ័ម ដោយឃើញសភាពការណ៍មិនស្រួល អ្នកបើកបររថយន្តបង្ក បានឈប់រថយន្តរួចចុះរត់គេចខ្លួនបាត់ស្រមោលតែម្តង បន្សល់ទុករថយន្តបង្កនៅនឹងកន្លែងកើតហេតុ ។

បន្ទាប់ពីហេតុការណ៍នេះបានកើតឡើង សមត្ថកិច្ចនគរបាលជំនាញ បានចុះមកធ្វើការពិនិត្យនិងវាស់វែងដល់កន្លែងកើតហេតុ ដោយបាននាំយក រថយន្តទាំង២គ្រឿង យកទៅរក្សាទុកដើម្បីរង់ចាំម្ចាស់ចូលខ្លួនមកធ្វើការដោះស្រាយគ្នាតាមផ្លូវច្បាប់ ចំណែកសាកសពជនរងគ្រោះត្រូវបានសមត្ថកិច្ចប្រគល់ឲ្យក្រុមគ្រួសារធ្វើបុណ្យតាមប្រពៃណី ៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍