Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យពីរនាក់ ពាក់ព័ន្ធនឹងការជួញដូរគ្រឿងញៀន

ចែកចាយបន្ត

ភ្នំពេញ: កម្លាំងសមត្ថកិច្ចនគរបាលប៉ុស្តិ៍ផ្សារដើមថ្កូវ សហការជាមួយប្រជាការពារធ្វើការឃាត់ខ្លួនបានជនសង្ស័យចំនួន២នាក់ និងថ្នាំញៀន៥កញ្ចប់តូច។ ហេតុនេះបានកើតឡើង នៅវេលាម៉ោង៦និង៣០នាទីល្ងាច ថ្ងៃទី១២​ ខែតុលា ឆ្នាំ២០១៦ តាមបណ្ដោយផ្លូវបេតុង ត្រង់ចំណុចស្ថិតក្នុងសង្កាត់ផ្សារដើមថ្កូវ ខណ្ឌចំការមន ។

ប្រភពពីសមត្ថកិច្ចបានឲ្យដឹងថា ជនសង្ស័យម្នាក់មានឈ្មោះ ចំរុង ហៅខ្លា ភេទប្រុស អាយុ៣៥ឆ្នាំ មុខរបកម្មករសំណង់ ស្នាក់នៅភូមិតាង៉ូ សង្កាត់និរោធន៍ ខណ្ឌច្បារអំពៅ និងម្នាក់ទៀត ឈ្មោះជឹម សុជាតិ ភេទប្រុស អាយុ៣៥ឆ្នាំ មុខរបររើសអេតចាយ ទីកន្លែងមិនពិតប្រាកដ មានស្រុកកំណើត ក្នុងភូមិព្រែកលាវ ឃុំរកាកោង ស្រុកមុខកំពូល ខេត្តកណ្ដាល។

សមត្ថកិច្ចបន្តថា មុនពេលកើតហេតុកម្លាំងនគរបាលប៉ុស្តិ៍ផ្សារដើមថ្កូវ បានសហការជាមួយប្រជាការពាកំពុងតែល្បាតក្នុងភូមិសាស្ត្ររបស់ខ្លួន ក៏ប្រទះឃើញជនសង្ស័យឈ្មោះ ចំរុង ហៅខ្លា កំពុងឈរតែម្នាក់ឯង ដោយសង្ស័យក៏ឃាត់ខ្លួនឆែកឆេររកឃើញថ្នាំញៀន២កញ្ចប់តូច។ ពេលសមត្ថកិច្ចសួរនាំ ជនសង្ស័យប្រាប់ថា ខ្លួនបានទិញពីឈ្មោះ ជឹម សុជាតិ ក្នុងតំលៃ ៣ម៉ឺនរៀល ដើម្បីយកទៅលក់បន្តទៀត តែត្រូវសមត្ថកិច្ចឃាត់ខ្លួនតែម្ដង ។ បន្ទាប់មក សមត្ថកិច្ចក៏នាំខ្លួន ជឹម សុជាតិ មកសាកសួរ និងឈានទៅឃាត់ខ្លួនវេលាម៉ោង៩.១០នាទី នៅចំណុចក្រុមហ៊ុនជូបី រកឃើញថ្នាំ៣កញ្ចប់ទៀត ។

បច្ចុប្បន្នជនសង្ស័យទាំងពីរនាក់ និងវត្ថុតាង ត្រូវបាននាំខ្លួនមកសាកសួរនៅប៉ុស្តិ៍ផ្សារដើមថ្កូវ និងបញ្ជូនបន្តទៅអធិការដ្ឋានចំការមនចាត់ការតាមផ្លូវច្បាប់៕

a2

a3

a133