Post News Media ព័ត៌មានជាតិ កម្លាំងនគរបាល...

កម្លាំងនគរបាលព្រហ្មទណ្ឌខណ្ឌ៧មករា ឃាត់ខ្លួនក្មេងស្ទាវ៣នាក់ បន្ទាប់ពីឆែកឃើញដាវសាមូរ៉ៃនៅក្នុងកាបូប

ចែកចាយបន្ត

ភ្នំពេញ: កម្លាំងនគរបាលព្រហ្មទណ្ឌខណ្ឌ៧មករាបានឃាត់ខ្លួនយុវជន៣នាក់​ ខណ:ដែល​ពួកគេ​កំពុងអង្គុយស្ពាយកាបូបនៅក្នុងវត្តព្រះពុទ្ធ កាលពី​វេលា​ម៉ោង​៨និង៣០នាទី ​ថ្ងៃទី​១២ ខែតុលា ឆ្នាំ​២០១៦ នៅចំណុចក្នុងវត្តព្រះពុទ្ធ ​បណ្តោយ​ផ្លូវមុនីរ៉េត ស្ថិតក្នុង​សង្កាត់​វាលវង់ ខណ្ឌ​៧មករា រាជធានី​ភ្នំពេញ​។ ​

​សមត្ថកិច្ច​បាន​ឱ្យដឹងថា នៅមុនពេលកើតហេតុកម្លាំងនគរបាលព្រហ្មទណ្ឌខណ្ឌ៧មករា សហការជាមួយសមត្ថកិច្ចប៉ុស្តិ៍វាលវង់កំពុងល្បាតក្នុងមូលដ្ឋានស្រាប់តែ ឃើញក្មេងស្ទាវ៣នាក់កំពុងអង្គុយនៅក្នុងវត្តព្រះពុទ្ធមានបុណ្យ ដោយមានការសង្ស័យក៏ត្រូវកម្លាំងសមត្ថកិច្ច ហៅឲ្យឈប់រួចធ្វើការឃាត់ខ្លួនត្រួតពិនិត្យ និង​រកឃើញមានដាវសាំមូរ៉ៃចំនួន៣។

​សមត្ថកិច្ចបន្តថា ជនសង្ស័យទី១មានឈ្មោះ ទូច វណ្ណះ ​ភេទ​ប្រុស អាយុ​៣៣ឆ្នាំ មាន​ទីលំនៅនិងមុខរបរមិនពិតប្រាដក ទី២មានឈ្មោះ​ ចាន់ ធី ភេទ​ប្រុស អាយុ​៣០ឆ្នាំ មាន​ទីលំនៅនិងមុខរបរមិនពិតប្រាដក និងទី៣មានឈ្មោះ​ ជា សូដា ភេទ​ប្រុស អាយុ​៣៣ឆ្នាំ មាន​ទីលំនៅនិងមុខរបរមិនពិតប្រាដក ។

បច្ចុប្បន្ន ជនសង្ស័យរួមនឹងវត្ថុតាងត្រូវបានសមត្ថកិច្ចប៉ុស្តិ៍វាលវង់ឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករាដើម្បីកសាងសំណុំរឿងចាត់ការតាមនីតិវិធីច្បាប់៕

%e1%9e%9f%e1%9e%b6%e1%9e%98%e1%9e%bc%e1%9e%9a%e1%9f%89%e1%9f%83

%e1%9e%9f%e1%9e%b6%e1%9e%98%e1%9e%bc%e1%9e%9a%e1%9f%89%e1%9f%83

%e1%9e%9f%e1%9e%b6%e1%9e%98%e1%9e%bc%e1%9e%9a%e1%9f%89%e1%9f%83-5

%e1%9e%9f%e1%9e%b6%e1%9e%98%e1%9e%bc%e1%9e%9a%e1%9f%89%e1%9f%83-3

%e1%9e%9f%e1%9e%b6%e1%9e%98%e1%9e%bc%e1%9e%9a%e1%9f%89%e1%9f%83-1