Post News Media ព័ត៌មានជាតិ មេបញ្ជាការរងក...

មេបញ្ជាការរងកងរាជអាវុធហត្ថខេត្តម្នាក់ បើករថយន្ដ ចុះល្បាតជួបគ្រោះថ្នាក់ចរាចរណ៍ស្លាប់

ចែកចាយបន្ត

ឧត្តរមានជ័យ: មេបញ្ជាការ រងកងរាជអាវុធហត្ថខេត្តឧត្តរមានជ័យ បានបើករថយន្ដផ្ទាល់ខ្លួនចុះល្បាតតាមផ្លូវនានា ក្នុងស្រុកអន្លង់វែង ជួបគ្រោះថ្នាក់ចរាចរណ៍ស្លាប់ ដោយខ្លួនឯង ដោយសាររូបលោកបើកបរជ្រុលចង្កូតធ្លាក់ទឹកលិចទាំងរថយន្តហើយរូបលោកជាប់ក្នុងរថយន្តតែម្នាក់ឯង មិនមានអ្នកជួយសង្គ្រោះទាន់ពេល ។

លោកវរសេនីយ៍ទោ ឡាយ គឹមឡេង (ហៅ ឃ័ន្ធ គឹមស្រ៊ុន) អាយុ៥៤ឆ្នាំ មានតួនាទីជាមេបញ្ជាការរងនៃកងរាជអាវុធហត្ថខេត្តឧត្តរមានជ័យ បានស្លាប់កាលពីវេលាម៉ោង១១យប់ថ្ងៃទី១២ ខែតុលា ឆ្នាំ២០១៦។

ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុបាន គេបានឃើញ មេបញ្ជាការ រងកងរាជអាវុធហត្ថខេត្តឧត្តរមានជ័យ ដែលជាជនរងគ្រោះបានបើកបររថយន្តផ្ទាល់ខ្លួនចុះពីលើភ្នំ នៃច្រកអន្តរជាតិជាំសាង៉ាំ និងបន្តល្បាត នៅតាមផ្លូវនានា ក្នុងស្រុកអន្លង់វែង លុះទៅដល់ចំណុចកើតហេតុ ចេញពីរង្វង់មូលអន្លង់វែងឆ្ពោះឡើងផ្លូវហាយវេ ដែលមានទិសដៅពីកើតទៅលិច ស្ថិតក្នុងភូមិអូចិញ្ចៀន ឃុំនិងស្រុកអន្លង់វែង ខណ:នោះស្រាប់តែជ្រុលចង្កូតបណ្តាលឲ្យរថយន្តធ្លាក់ចូលទៅក្នុងទឹកប្រឡាយហើយលិចរថយន្តទាំងស្រុងតែម្តង ។

ភ្លាមៗនោះខណ:ដែលរថយន្តបានលិចចូលទៅក្នុងទឹក ក៏មានប្រជាពលរដ្ឋដែលកំពុងរកត្រី២ទៅ៣នាក់ ដែលកំពុងអង្គុយលេងនៅរង្វង់មូលទៅជួយ បានឃើញក៏នាំគ្នាចុះទៅជួយ ប៉ុន្តែមិនទាន់ពេលនោះទេ។

បើតាមប្រភពព័ត៌មានពីសាច់ញាតិ បានឲ្យដឹងថា នៅពេលជនរងគ្រោះកំពុងមានគ្រោះថ្នាក់ គាត់ទទួលទូរស័ព្ទពីភរិយារបស់ជនរងគ្រោះដែលទូរស័ព្ទមកពីខេត្តសៀមរាបថា ប្តីរបស់គាត់មានគ្រោះថ្នាក់ហើយទៅជួយផង ។ បន្ទាប់ពីទទួលដំណឹងភ្លាម ក៏បានទៅជួយភ្លាម និងបញ្ជូនមកមន្ទីរពេទ្យបង្អែកស្រុកអន្លង់វែង តែហួសពេលទៅហើយ ទើបសាច់ញាតិ ក៏ដូចជាកម្លាំងកងរាជអាវុធហត្ថស្រុក បានបញ្ជូនតាមរថយន្តសាមុយ ដឹកសាកសពរបស់លោកមេបញ្ជាការរង ទៅកាន់គេហដ្ឋាននៅឯខេត្តសៀមរាបទាំងយប់ដើម្បីធ្វើបុណ្យតាមប្រពៃណី ៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍