Post News Media ព័ត៌មានជាតិ CRV ​រេ​ចង្កូ...

CRV ​រេ​ចង្កូត​បុក​រថយន្ដ​សាំយ៉ុង​ដឹង​កម្មករ​ក្រឡាប់​បះជើង​របួសធ្ងន់​-ស្រាល១២នាក់

ចែកចាយបន្ត

ព្រះសីហនុ: យ៉ាងហោចណាស់មានមនុស្សប្រុសស្រី១២នាក់រងរបួសធ្ងន់-ស្រាល ក្នុងករណីគ្រោះថ្នាក់ចរាចរណ៍ ក្រឡាប់រថយន្តមួយគ្រឿង បង្កឡើងដោយសាររថយន្តCRV បើកបរដោយជនជាតិម៉ាឡេស៊ីបានបុកជាមួយរថយន្តសាំយ៉ុងដឹងកម្មកររោងចក្រក្នុងទិសដៅបញ្ច្រាសគ្នា។

ហេតុការណ៍នេះ បានកើតឡង កាលពីវេលាម៉ោងប្រមាណ៧ព្រឹកថ្ងៃទី១៣ តុលា ឆ្នាំ ២០១៦ លើផ្លូវជាតិលេខ៤ ចន្លោះគីឡូម៉ែត្រ១៩៣ -១៩៤ ស្ថិតក្នុងភូមិអូរ ចំណារឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

មន្ដ្រីអាវុធហត្ថបានឲ្យដឹងថា ហេតុការណ៍គ្រោះថ្នាក់ចរាចរណ៍នេះ បង្កឡើងដោយរថយន្តមួយគ្រឿងម៉ាក CVR ពណ៌ទឹកប៊ិចពាក់ ស្លាកលេខភ្នំពេញ 2B-6692 បើកបរដោយ ឈ្មោះ Low kok Beng ភេទប្រុស អាយុ២៦ ឆ្នាំជនជាតិម៉ាឡេស៊ី ទីលំនៅ ទីក្រុងភ្នំពេញបើក ក្នុងទិសដៅពីព្រះសីហនុទៅភ្នំពេញមកដល់ចំណុចកើតហេតុរថយន្តCRVនេះបានរេចង្កូត ចូលផ្លូវម្ខាងទៀត ហើយប៉ះនិងបុករថយន្តមួយគ្រឿងម៉ាកសាំយ៉ុង ពណ៌ទឹកប្រាក់ពាក់ស្លាកលេខព្រះសីហនុ 2A-5863 ដឹកកម្មកររោងចក្របណ្តាលឲ្យរថយន្តសាំយ៉ុងក្រឡាប់ ជាច្រើនត្រលប់ហោះចូលក្នុងព្រៃក្បែរដងផ្លូវជាតិ។

សមត្ថកិច្ចបានបន្ដទៀតថា ក្រោយកើតហេតុភាគីខាងរថយន្តបង្កមិនបានរត់ទៅណានោះទេ។ ប្រភពដដែលបានបញ្ជាក់ទៀតថា ជនរងរបួសធ្ងន់ ក្នុងករណីគ្រោះថ្នាក់រថយន្តបុកគ្នានេះ ១. សាន់ ស្រីឡែម ភេទស្រីអាយុ១៦ឆ្នាំ មានមុខរបរកម្មកររោងចក្រ ២.ឈ្មោះ សាន់ ស្រីលីម ភេទស្រីអាយុ១៨ ឆ្នាំ មានមុខរបរកម្មកររោងចក្រ។ ដោយឡែកអ្នករងរបួសស្រាលឈ្មោះ១.ឈ្មោះ ចេង ប្រុស ភេទប្រុសអាយុ២៥ ឆ្នាំអ្នកបើកបរ មានទីលំនៅភូមិទួលឃុំសាមគ្គីស្រុកព្រៃនប់ខេត្តព្រះសីហនុ ២.ឈ្មោះ រី ស្រីនិច ភេទស្រីអាយុ១៧ ឆ្នាំ រងរបួសស្រាល ៣. ឈ្មោះ ខេង វឿន ភេទស្រីអាយុ២៤ ឆ្នាំ រងរបួសស្រាល ៤. ឈ្មោះ យ៉ែម រ៉ាវី ភេទប្រុស អាយុ៣៦ ឆ្នាំ រងរបួសស្រាល អ្នកខាងលើមានទីលំនៅភូមិ ព្រែកទាល់ឃុំទឹកថ្លា ស្រុកព្រៃនប់ខេត្តព្រះសីហនុ។ ៥. ឈ្មោះថន ខេង ភេទស្រីអាយុ៤១ ឆ្នាំរងរបួសស្រាល ៦.ឈ្មោះ ឆន ឆ័រ ភេទប្រុសអាយុ១៨  ឆ្នាំរងរបួសធ្ងន់ អ្នកទាំងពីរមានទីលំនៅភូមិទួលឃុំទឹកល្អក់ស្រុកព្រៃនប់ខេត្តព្រះសីហនុ។ ៧.ឈ្នោះ សៀម ម៉ាក់ស្រី ភេទស្រីអាយុ១៨ ឆ្នាំ រងរបួសស្រាល ៨.ឈ្មោះ សែ នឿនស្រ ភេទស្រីអាយុ១៩ ឆ្នាំរងរបួសស្រាល អ្នកទាំងពីរមានទីលំនៅភូមិបឹងរាំងឃុំសាមគ្គីស្រុកព្រៃនប់ខេត្តព្រះសីហនុ។ ៩. ឈ្មោះគយ ម៉ារី ភេទស្រីអាយុ ៣៧ ឆ្នាំ រងរបួសស្រាល ១០.ឈ្មោះ នាង ផល្លី ភេទស្រីអាយុ ៣៩ ឆ្នាំ រងរបួសស្រាល។

បច្ចុប្បន្ន អ្នករបួសកំពុងសម្រាកព្យាបាលនៅគ្លីនិកឯកជនវាលរេញ ដោយឡែកវត្ថុតាងសមត្ថកិច្ចកំពុងរៀបចំស្ទូចយកទៅរក្សាទុកនៅអធិការដ្ឋាននគរបាលស្រុកព្រៃនប់ ។ ចំណែកអ្នកបើកបររថយន្តCRVត្រូវបានឃាត់ខ្លួន៕

photo_2016-10-13_12-32-05

photo_2016-10-13_12-31-59

photo_2016-10-13_12-32-00

photo_2016-10-13_12-32-03

crv-8

crv-9

crv-10

crv-11

crv-1

crv-2

crv-3

crv-4

crv-5

crv-6

crv-7