Post News Media ព័ត៌មានជាតិ រយ:ពេល៩ខែ មនុ...

រយ:ពេល៩ខែ មនុស្ស២៦៨នាក់និងថ្នាំញៀនជាង២គីឡូក្រាមត្រូវបានចាប់ខ្លួន

ចែកចាយបន្ត

បន្ទាយមានជ័យ: លោក ចាប សុផារិទ្ធ ស្នងការរងទទួលបន្ទុកប្រឆាំងបទល្មើស នៃស្នងការនគរបាលខេត្តបន្ទាយមានជ័យ បានថ្លែងនៅក្នុងកិច្ចប្រជុំបូកសរុបលទ្ធផលបង្ក្រាបបទល្មើសគ្រឿងញៀន០៩ខែ ឆ្នាំនេះ និង ទិសដៅបន្ត នៅស្នងការដ្ឋានខេត្តបន្ទាយមានជ័យ បានឲ្យដឹងថា ក្នុងរយ:ពេល៩ខែ នាឆ្នាំ ២០១៦នេះ មនុស្សចំនួន២៦៨នាក់ រួមនឹងថ្នាំញៀនជាង២គីឡូក្រាម ត្រូវបានសមត្ថកិច្ចបង្ក្រាបបាន ។

លោកបានបន្តថា ការបង្ក្រាបនេះដែរ គឺធ្វើឡើងដោយមានការចូលរួមពីសំណាក់ សមត្ថកិច្ចនគរបាលការិយាល័យប្រឆាំង គ្រឿងញៀនសហការជាមួយអធិការគ្រប់ស្រុកក្រុងទូទាំងខេត្ត តាមផែនការដឹកនាំ និងបញ្ជាពីលោកឧត្តមសេនីយ៍ទោ អាត់ ខែម ស្នងការនគរបាលខេត្ត បានបង្ការ និងបង្ក្រាប បានមុខសញ្ញាជួញដូរ ប្រើប្រាស់គ្រឿងញៀនបានចំនួន១០៤ ករណីឃាត់ខ្លួន បានជនសង្ស័យសរុប២៦៨នាក់ ក្នុងនោះមានស្ត្រី២៦នាក់ ថ្នាំញៀនប្រភេទគ្រាប់ចំនួន១,៤២០ គ្រាប់ស្មើនិង១៥៦,៤១ក្រាម គ្រឿងញៀនប្រភេទ ក្រាមពណ៌ស ចំនួន៤៤៩ កូនថង់តូចស្មើរនិង១៩៣៤,៣១ក្រាម ។ ចំពោះជនសង្ស័យត្រូវបានបញ្ជូនទៅតុលាការដោយខ្លះត្រូវជាប់ពន្ធនាគារ និងខ្លះទៀត ត្រូវបានអប់រំបន្សាបសារធាតុ ញៀននៅមណ្ឌលកែប្រែភ្នំបាក់។

លោកឧត្តមសេនីយ៍ទោ អាត់ ខែម ស្នងការនគរបាល ខេត្តបន្ទាយមានជ័យ ដោយយោងតាមបទពិសោធន៍ កន្លងមក ដែលលោកដាក់ចេញហើយស្រុកក្រុង មួយចំនួនបានអនុវត្តលើការបង្ការបង្ក្រាប បទល្មើសគ្រឿងញៀនទទួលបានលទ្ធផលល្អ និងដើម្បីបន្តទៅមុខទៀត ប្រកបដោយប្រសិទ្ធភាព កម្លាំងជំនាញទាំងអស់ ក្រៅពីការគ្រប់អប់រំណែនាំ ត្រូវធ្វើការអប់រំល្បាត ត្រួតពិនិត្យ ពួនស្ទាក់ ដើម្បីឈានដល់ការកំណត់មុខសញ្ញាធ្វើការបង្ក្រាបមុខសញ្ញាជួញដូរ និងប្រើប្រាស់គ្រឿងញៀនក្នុងមូលដ្ឋាន ផ្ដល់ភាពកក់ក្ដៅជូនប្រជាពលរដ្ឋ៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន