Post News Media ព័ត៌មានជាតិ ដុត​ភ្លើង​សម្...

ដុត​ភ្លើង​សម្ងួត​គ្រាប់ពោត ភ្លាត់ស្នៀត​ឆេះ​​អស់​​​ជិត​២០​តោន​​ ​ខាតបង់​ប្រាក់​រាប់​ពាន់​ដុល្លារ

ចែកចាយបន្ត

បាត់ដំបង: គ្រាប់ពោត​ប្រមាណ​ជិត​២០​តោន ​ដែល​ម្ចាស់​បាន​ដាក់​បញ្ចូល​ទៅក្នុង​ឡ​ ដើម្បី​ដុត​ភ្លើង​សម្ងួត​ នៅ​ទីបំផុត​គ្រាប់ពោត​ទាំងនោះ ​ឆេះ​ខ្លោច​គ្មាន​សល់ ​ បើ​គិត​ជា​ទឹកប្រាក់​សរុប​ទាំង​ការ​ខូចខាត​ឡ​សម្ងួត​ផងនោះ ​គឺ​អស់​ប្រមាណ​ជា ៦ពាន់ដុល្លារ​អាមេរិក​ ខណ:ដែល​ម្ចាស់​ភ្លេចខ្លួន និងមានការ​ធ្វេសប្រហែស ។

​លោក គឹម ប៊ុនធឿន ​នាយការិយាល័យ​បង្ការពន្លត់អគ្គីភ័យ នៃ​ស្នងការដ្ឋាន​នគរបាល​ខេត្តបាន​បញ្ជាក់ថា ​ ករណី​ភ្លើង​ឆេះ​ឡស​ម្ងួ​ត​គ្រាប់ពោត​នេះ​ បាន​កើតឡើង​នៅ​​វេលា​ម៉ោង ៨និង​៣០ នាទី​យប់ ​ថ្ងៃទី ១២​ ខែតុលា ឆ្នាំ​២០១៦ ​ត្រង់​ចំណុច​ភូមិ​ស្តៅ​ ឃុំ​ស្តៅ ស្រុក​រតន:មណ្ឌល​ ខេត្តបាត់ដំបង ​ ហើយ​ឡ​នេះ ​គឺជា​កម្មសិទ្ធិ​របស់​ឈ្មោះ កាំ​ង ឡៃ​គីម ​ភេទ ស្រី អាយុ​៣៧​ឆ្នាំ រស់នៅ​ក្នុងភូមិ ​ឃុំ កើតហេតុ​ខាងលើ ។

តាម​ការ​រៀបរាប់​ពី​ម្ចាស់​ឡ​ បាន​ឲ្យដឹងថា ​ ឡស​ម្ងួ​ត​ពោត​នេះ ​​ផ្នែក​ខាងក្នុង​ មាន​ទំហំ ៦ម៉ែត្រ គុណ​១២ម៉ែត្រ​ ដែល​អាចដាក់​គ្រាប់ពោត​ដើម្បី​ស​ម្ងួ​ត​បាន​ប្រមាណ​ជិត​២០​តោន។​ ដូច្នេះ​គ្រាប់ពោត​ទាំងអស់នេះ​ ត្រូវ​ឆេះ​ខូចខាត​ទាំងស្រុង​ បើ​គិត​ជា​ទឹកប្រាក់​ប្រមាណ​ ៣ពាន់ដុល្លារ​អាមេរិក ព្រមទាំង​មានការ​ខូចខាត​តួ​ឡ​ទាំងស្រុង​ដែរ ​ដែល​ស្មើនឹង​ ទឹកប្រាក់ ៣ពាន់ដុល្លារ​ដូចគ្នា ​ សរុប ៦ពាន់ដុល្លារ ។

នៅក្នុងពេល​កើតហេតុ​នោះដែរ ​ទាំង​កម្លាំង​អធិការដ្ឋាន និង​កម្លាំង​ការិយាល័យ​ជំនាញ បាន​ចេញ​ប្រតិបត្តិការ​ដើម្បី​ធ្វើ​ការ​បាញ់​ពន្លត់​ ការទប់ស្កាត់​ ដោយបាន​ប្រើប្រាស់​ទឹក​អស់​ចំនួន​២​ឡាន ​ ទើបគ្រប់គ្រង​បានទាំងស្រុង​នៅ​វេលា​ម៉ោង​១០និង​៣០​នាទី​យប់ ថ្ងៃ​ដដែល ដោយ​នេះ​គឺជា​ការ​ធ្វេសប្រហែស​មួយ​របស់​ម្ចាស់ឡ៕

image1

image2

image3

image4

image5

image6

image7