Post News Media ព័ត៌មានជាតិ លក់​ជាល​មិន​ដ...

លក់​ជាល​មិន​ដាច់​បែកគំនិត​បង្កប់​ឈើ​គ្រញូង​​ត្រូវ​មេព្រៃ​ក្របួច​ជាប់​

ចែកចាយបន្ត

សៀមរាប: ​អ្នកដើរ​លក់​ជាល​ចំនួន​២​នាក់ ​​ប្រហែលជា​លក់ជាល​មិនដាច់ក៏​​បែកគំនិត​បង្កប់​ឈើ​គ្រញូង​ ត្រូវ​មេព្រៃ​សង្កាត់​ស្វាយ​លើ​ក្របួច​ជាប់​ ​កាលពី​វេលា​ម៉ោង​៩​ព្រឹក​ ថ្ងៃទី​១៣ ​ខែតុលា ឆ្នាំ ២០១៦​ ​នេះ​ស្ថិត​ត្រង់​ចំណុច​ឃុំ​បឹងមាលា​ ស្រុក​ស្វាយ​លើ​ ខេត្តសៀមរាប​។

មន្ត្រីរដ្ឋបាល​ព្រៃឈើ​ខេត្តសៀមរាប​បាន​ឲ្យ​ដឹងថា​ កម្លាំង​រដ្ឋបាល​ព្រៃឈើ​បានចាប់​ម៉ូតូ​ដឹក​ជាល ​បាន​ចំនួន​២​គ្រឿង ​បន្ទាប់ពី​ឆែកឆេរ​ទៅ​ឃើញ​មាន​បង្កប់​ឈើ​គ្រញូង​ពេញ​។ ​មន្ត្រី​ដដែល​បន្តថា ឈើ​គ្រញូង​ដែល​ចាប់​បាន​មាន​ចំនួន​២៥​ដុំ ​ស្មើ​១៨៣​គីឡូក្រាម​។ ​ចំណែក​អ្នកបើកបរ បន្ទាប់ពី​ឃើញសមត្ថកិច្ចដាក់​ប៉ា​រាស់​ក៏ផ្ដួល​ម៉ូតូរត់គេចខ្លួន​បាត់តែម្ដង​។

បច្ចុប្បន្ននេះ ​ម៉ូតូ​និង​ឈើ​គ្រញូង​ត្រូវបាន ​កម្លាំង​រដ្ឋបាល​ព្រៃឈើ​​យកមករក្សាទុក ​នៅ​សង្កាត់រដ្ឋបាលព្រៃឈើស្វាយ​លើ​ ដើម្បី​រង់ចាំ​ម្ចាស់​ចូលខ្លួន​មក​ដោះស្រាយ​តាមផ្លូវ​ច្បាប់​៕

1

2