Post News Media ព័ត៌មានជាតិ កុងតឺន័រកិនម៉...

កុងតឺន័រកិនម៉ូតូជាប់ក្រោមកង់រងរបួសស្រាល២នាក់

ចែកចាយបន្ត

ភ្នំពេញ: បុរស២នាក់បានរងរបួសស្រាល ខណ:ត្រូវរថយន្តកុងតឺន័របើកបុក និងកិនម៉ូតូជាប់នឹងកង់ កាលពីវេលាម៉ោង៣និង១០នាទីរសៀល ថ្ងៃទី១៣ ខែតុលា ឆ្នាំ២០១៦ តាមបណ្តោយផ្លូវវេងស្រេង ចំណុចមុខបុរីពិភពថ្មី ក្នុងសង្កាត់ចោមចៅ ខណ្ឌពោធិ៍សែនជ័យ។

ប្រភពពីប្រជាពលរដ្ឋនៅក្បែរកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូ១គ្រឿងម៉ាកហុងដាឌ្រីម បើកតាមបណ្តោយផ្លូវវេងស្រេង មកដល់ចំណុចកើតហេតុ មានរថយន្តកុងតឺន័របើកមកពីក្រោយស្របទិសគ្នា ដោយទំនងមិនបានឃើញម៉ូតូជនរងគ្រោះ ក៏កិនពីក្រោយ តែសំណាងល្អជនរងគ្រោះរួចផុតជីវិតដោយគ្រាន់តែខូចខាតម៉ូតូប៉ុណ្ណោះ។

បច្ចុប្បន្ន សមត្ថកិច្ចមូលដ្ឋានបានចុះទៅដល់កន្លែងកើតហេតុ ធ្វើការវាស់វែង និងយកម៉ូតូទៅរក្សាទុកនៅអធិការនគរបាលខណ្ឌពោធិសែនដើម្បីដោះស្រាយ៕

photo_2016-10-13_16-45-11

photo_2016-10-13_16-45-13

photo_2016-10-13_16-45-14