Post News Media ព័ត៌មានជាតិ ការធ្វេសប្រហែ...

ការធ្វេសប្រហែសរបស់អាណាព្យាបាលតែមួយព្រិចភ្នែក បណ្ដាលឲ្យក្មេងប្រុសស្រី០៣នាក់បាត់បង់ជីវិត

ចែកចាយបន្ត

សៀមរាប: ពិតជាគួរឲ្យអណោចអធមចំពោះមាតាបិតា និងអាណាព្យាបាល របស់ក្មេងប្រុសស្រីចំនួន០៣នាក់ដែលជាសិស្សសាលា បាននាំគ្នាទៅលេងទឹកបណ្ដាលឲ្យលង់ស្លាប់ទាំង០៣នាក់ ក្នុងនោះមាន០២នាក់ជាបងប្អូនបង្កើត បង្កការភ្ញាក់ផ្អើលដល់ប្រជាពលរដ្ឋ និងអាណាព្យាបាលរបស់ក្មេងប្រុសស្រី។

ករណីលង់ទឹកស្លាប់នេះកើតឡើងនៅអាងមួយកន្លែងខាងកើតវត្តជ្រោយនាងងួន ស្ថិតនៅខាងលិចភូមិអំពៅដៀប ចម្ងាយប្រហែល១៥០ ឃុំជ្រោយនាងងួន ស្រុកស្រីស្នំ ខេត្តសៀមរាប កាលពីវេលាម៉ោង១១ និង៣៥នាទីព្រឹក ត្រូវថ្ងៃទី១៣ ខែតុលា ឆ្នាំ២០១៦។ លោកវរសេនីយ៍ត្រី អ៊ុន ស្រស់ អធិការនគរបាលស្រុកស្រីស្នំបានឲ្យដឹងថា ក្មេងទាំង០៣នាក់បាននាំគ្នាទៅលេងទឹក នៅទីតាំងខាងលើ បន្ទាប់មកមានក្មេងប្រុសម្នាក់ទៀតបានដើរទៅក្រោយ ពេលទៅដល់កន្លែងកើតហេតុ ក៏មិនឃើញក្មេងទាំង០៣នាក់នោះ ហើយបានរត់មកប្រាប់អាណាព្យាបាលក្មេងទាំងនោះ ហើយបាននាំគ្នាទៅរកភ្លាមៗផងដែរ តែអកុសលក្មេងទាំងនោះបានស្លាប់បាត់បង់ជីវិតទៅហើយ។ លោកអធិការនគរបាលស្រុកបានបន្តថា ក្មេងរងគ្រោះទាំង០៣នាក់។

ទី១-ឈ្មោះ ឆុន ស្រីកុត ភេទស្រី អាយុ០៨ឆ្នាំ, ទី២-ឈ្មោះ ឆុន សៀងហៃ ភេទប្រុស អាយុ០៦ឆ្នាំ និងទី៣-ឈ្មោះ ហួ លីហៀង ភេទប្រុស អាយុ០៥ឆ្នាំ។ ក្មេងទាំង០៣នាក់ រស់នៅក្នុងភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប។

បច្ចុប្បន្នក្មេងទាំង០៣នាក់ ក្រោយពីបានធ្វើការពិនិត្យសាកសព និងធ្វើកំណត់ហេតុរួចរាល់មកសមត្ថកិច្ចនគរបាលស្រុកស្រីស្នំបានប្រគល់សពជួនក្រុមគ្រួសារចាត់ចែងរៀបចំធ្វើបុណ្យតាមទំនៀមទំលាប់ប្រពៃណីខ្មែរ។ ក្នុងនាមកងកម្លាំងនគរបាលចំណុះឲ្យស្នងការដ្ឋាននគរបាលខេត្តសៀមរាប សូមសំណូមពរដល់អាណាព្យាបាល មាតាបិតា ក្មេងប្រុសស្រីទាំងអស់ត្រូវបង្កើនការយកចិត្តទុកដាក់ចំពោះកូនចៅគ្រប់ពេលវេលា ដោយសាររដូវនេះជារដូវវស្សា ដែលមានទឹកជំនន់ជន់លិចដែលធ្វើឲ្យក្មេងៗនាំគ្នាទៅលេងទឹកបណ្ដាលឲ្យលង់ស្លាប់ដូចករណីខាងលើនេះ៕

photo_2016-10-13_22-21-55

photo_2016-10-13_22-21-58

photo_2016-10-13_22-22-00