Post News Media ព័ត៌មានជាតិ ជិះម៉ូតូត្រឡប...

ជិះម៉ូតូត្រឡប់មកពីញ៉ាំអីវិញ ត្រូវបានក្រុមចោរប្រដាប់អាវុធធ្វើសកម្មភាពប្លន់យកទៅបាត់

ចែកចាយបន្ត

ភ្នំពេញ: យុវជនប្រុសស្រី២នាក់ បានជិះម៉ូតូ២គ្រឿងផ្សេងគ្នា មកពីញុំអីនៅម្ដុំផ្សារទួលគោក បម្រុងជិះត្រឡប់ទៅផ្ទះវិញ ត្រូវបានក្រុមចោរជិះម៉ូតូ២គ្រឿង ធ្វើសកម្មភាពដកកាំភ្លើងខ្លី វាយក្បាលជនរងគ្រោះនិងគំរាមបាញ់ រួចប្លន់យកម៉ូតូ១គ្រឿងបានសម្រេច និងបណ្ដាលឲ្យជនរងគ្រោះបែកក្បាលហូរឈាមរងរបួសស្រាល។

ករណីខាងលើនេះ បានកើតឡើងកាលពីវេលាម៉ោង ១និង២០នាទី រំលងអាធ្រាត ឈានចូលថ្ងៃទី១៤ ខែតុលា ឆ្នាំ២០១៦ នៅចំណុចផ្លូវបេតុងមួយកន្លែង ស្ថិតក្នុងភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ។

ប្រភពព័ត៌មានពីកន្លែងកើតហេតុ បានឲ្យដឹងថា ជនរងគ្រោះប្រុសស្រី២នាក់ខាងលើ ទី១មានឈ្មោះ អ៊ឹម សេងងួន ភេទប្រុស អាយុ២៨ឆ្នាំ មុខរបរលក់ដូរ ជិះម៉ូតូម៉ាក Zoomer-X ពាក់ស្លាកលេខ ភ្នំពេញ 1DE-5115 និងស្នាក់នៅម្ដុំផ្សារទួលគោក និងជនរងគ្រោះទី២មានឈ្មោះ តូ ស្រីម៉ុច ភេទស្រី អាយុ២៤ឆ្នាំ មុខរបររៀនកាត់ដេរ ស្នាក់នៅក្បែរកន្លែងកើតហេតុខាងលើ និងជិះម៉ូតូម៉ាកធូដេ ពណ៌ក្រហម ពាក់ស្លាកលេខ ភ្នំពេញ 1FM-1948 ។

តាមសម្ដីរបស់ជនរងគ្រោះប្រុសស្រី២នាក់ខាងលើបានប្រាប់ឲ្យដឹងថា នៅមុនពេលកើតហេតុគឺ ពួកគាត់ទាំងពីរនាក់បានជិះម៉ូតូ២គ្រឿងផ្សេងគ្នា ដោយមកពីញុំអីនៅម្ដុំផ្សារទួលគោក រួចមកពួកគេក៏នាំគ្នាត្រឡប់មកផ្ទះវិញនៅម្ដុំកន្លែងកើតហេតុខាងលើ ជិះបានពាក់កណ្ដាលផ្លូវ ស្រាប់តែមានជនសង្ស័យ២នាក់ជិះម៉ូតូ១គ្រឿងម៉ាកCPX មិនចាំស្លាកលេខ បានឌុបគ្នាមកតាមក្រោយ រួចគៀរឲ្យឈប់ និងដកកាំភ្លើងខ្លីវាយក្បាលជនរងគ្រោះបណ្ដាលឲ្យបែកក្បាលហូរឈាម និងប្លន់យកម៉ូតូZoomer-X បានសម្រេចតែម្តង ។ បន្ទាប់ពីកើតហេតុរួចមក ជនរងគ្រោះទាំងពីរនាក់នោះ បានជិះម៉ូតូធូដេ ដែលនៅសល់១គ្រឿងនោះមកដាក់ពាក្យបណ្ដឹងនៅប៉ុស្ដិ៍នគរបាលស្ទឹងមានជ័យ ដើម្បីឲ្យសមត្ថកិច្ចធ្វើការស្រាវជ្រាវតាមចាប់មុខសញ្ញាជនសង្ស័យខាងលើ យកមកផ្តន្ទាទោសតាមផ្លូវច្បាប់ ៕

ប្លន់ម៉ូតូ

ប្លន់ម៉ូតូ

ប្លន់ម៉ូតូ