តុលាការកាត់ទោ...

តុលាការកាត់ទោសបុរសវៀតណាមម្នាក់ ពាក់ពន្ធ័ករណីក្លែងបន្លំឯកសាររត់ការធ្វើអត្តសញ្ញាណប័ណ្ណខុសច្បាប់

0
ចែកចាយបន្ត

ភ្នំពេញៈ នៅរសៀលថ្ងៃទី១៣ ខែតុលា ឆ្នាំ២០១៦ លោក ធាម ច័ន្ទពិសិដ្ឋ ចៅក្រមនៃសាលាដំបូងរាជធានីភ្នំពេញ បានបើកសវនាការជំនុំជម្រះទោស បុរសជនជាតិវៀតណាមម្នាក់ពាក់ព័ន្ធសំណុំរឿង ក្លែងបន្លំឯកសារ ធ្វើអត្តសញ្ញាណប័ណ្ណជនជាតិខ្មែរ ឲ្យជនជាតិវៀតណាមចំនួន ៥១នាក់។

ជនជាប់ចោទឈ្មោះ ង្វៀង ហ្វាយស៊ុន ហៅ វេង ស៊ុន ហៅតាបៃ ភេទប្រុស អាយុ ៦៣ឆ្នាំ ជនជាតិវៀតណាម ត្រូវបានលោក គង់ សំសារ៉េត តំណាងអយ្យការចោទប្រកាន់ពីបទ ក្លែងបន្លំ ប្រព្រឹត្តនៅរាជធានីភ្នំពេញ អំឡុងឆ្នាំ២០១៥ និង២០១៦ យោងតាមមាត្រា ៦២៦ នៃក្រមព្រហ្មទណ្ឌ។

នៅក្នុងសវនាការជនជាប់ចោទបានសារភាពថា ខ្លួនពិតជាបានទទួលលុយរត់ការធ្វើ លិខិត អ៣ ឲ្យជនជាតិវៀតណាមចំនួន ៥១នាក់ដើម្បីធ្វើអត្តសញ្ញាណប័ណ្ណជនជាតិខ្មែរពិតប្រាកដមែន។ ជនជាប់ចោទបន្តថា គាត់បានស្គាល់ឈ្មោះ ថា ជាមន្ត្រីនគរបាលអន្តោប្រវេសន៍ ឋានៈផ្កាយ១ ហើយមន្ត្រីម្នាក់នោះសន្យាថា ធ្វើអត្តសញ្ញាណប័ណ្ណជនជាតិខ្មែរឲ្យជនជាតិវៀតណាមបាន។ ក្រោយមកឈ្មោះ ថា បានប្រើឈ្មោះ អៀង ជាកូនចៅរៀបចំធ្វើអត្តសញ្ញាណប័ណ្ណជនជាតិខ្មែរឲ្យជនជាតិវៀតណាមទាំងនោះ ប៉ុន្តែការងារនោះមិនបានសម្រេចទេត្រូវសមត្ថកិច្ចឃាត់ខ្លួនគាត់តែម្តង ហើយនៅថ្ងៃទី១០ ខែឧសភា ឆ្នាំ២០១៦ ខ្លួនត្រូវតុលាការសម្រេជឃុំខ្លួននៅពន្ធនាគារព្រៃស។

ដោយសារតែសំណុំរឿនេះពាក់ព័ន្ធនឹងមន្ត្រីនគរបាលអន្តោប្រវេសន៍ លោក ធាម ច័ន្ទពិសិដ្ឋ ចៅក្រមជំនុំជម្រះបានសម្រេចលើកពេលបន្តសវនាការនៅពេលក្រោយទៀតដើម្បីឲ្យមានការតទល់គ្នារវាងជនជាប់ចោទ និងនគរបាលអន្តោប្រវេសន៍ដែលរងការចោទប្រកាន់៕

តុលាការ

តុលាការ

តុលាការ

តុលាការ

តុលាការ

ចែកចាយបន្ត