Post News Media ព័ត៌មានជាតិ ឈរគ្រវីក្បាលហ...

ឈរគ្រវីក្បាលហួសចិត្ត ពេលឃើញម៉ូតូខ្លួនឯង ឆេះសល់តែគ្រោងឆ្អឹង

ចែកចាយបន្ត

ភ្នំពេញ: ម៉ូតូអូសរ៉ឺម៉កមួយគ្រឿងបានឆាបឆេះយ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់ក្រុមអ្នកបូមប្រេងលក់ និងអ្នកធ្វើដំណើរទាំងព្រឹក។ ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង៧និង៣០នាទីថ្ងៃ១៤ ខែតុលា ឆ្នាំ២០១៦ ស្ថិតនៅចំណុចម្តុំបូមប្រេងលក់នៅផ្លូវឌួង ងៀប ភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ រាជាធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសជាម្ចាស់ម៉ូតូខាងលើ បានជិះម៉ូតូអូសរ៉ឺម៉កមួយគ្រឿងបានបើកតាមជង្ហុកទឹកដក់ ហើយបានរលត់ម៉ាស៊ីន ម្ចាស់ម៉ូតូក៏បានអូសរ៉ឺម៉កម៉ូតូចេញពីទឹក រួចដកខ្សែប៊ូហ្ស៊ីជូត ហើយក៏បញ្ឆេះតែមិនឆេះ ស្របពេលនោះក៏មានបុរសម្នាក់ដែលពុំស្គាល់អត្តសញ្ញាណបានស្រែកប្រាប់ម្ចាស់រ៉ឺម៉កម៉ូតូឲ្យយកដែកកេះដុតឆួលប៊ូហ្ស៊ី ខណ:នោះម្ចាស់រ៉ឺម៉កម៉ូតូបានធ្វើតាម ក៏យកដែកកេះដុតឆួលតាម ពេលនោះម៉ូតូឆេះមែន តែមិនឆេះម៉ាស៊ីនទេ គឺឆេះម៉ូតូហ្មត់អស់សល់តែគ្រោងឆ្អឹង ម្ចាស់ម៉ូតូបានត្រឹមតែគ្រវីក្បាលហួសចិត្តប៉ុណ្ណោះ៕