Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ២នាក់ ជាប់ពាក់ពន្ធ័នឹងករណីគ្រឿងញៀន

ចែកចាយបន្ត

ភ្នំពេញ: ជនសង្ស័យ២នាក់ត្រូវបាននគរបាល នៃអធិការដ្ឋាននគរបាលខណ្ឌទួលគោក ធ្វើការឃាត់ខ្លួន បន្ទាប់ពីត្រួតពិនិត្យរកឃើញ មានថ្នាំញៀនជាប់នឹងខ្លួន។
ការចាប់ខ្លួននេះបានធ្វើឡើងកាលពីវេលាម៉ោង១០ និង៣០នាទី យប់ថ្ងៃទី១៣ ខែតុលា ឆ្នាំ២០១៦ ស្ថិតនៅចំណុចក្រុម៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។

សមត្ថកិច្ចបានឲ្យដឹងថា ជនសង្ស័យដែលចាប់ខ្លួនបានខាងលើនេះ ទី១មានឈ្មោះខឿន សុភក្ត្រ័ ភេទប្រុស អាយុ២១ឆ្នាំ មានស្រុកកំណើត ភូមិឬស្សីជុក ឃុំរកា ស្រុកពារាំង ខេត្តព្រៃវែង ស្នាក់នៅផ្ទះជួល ផ្លូវលំ សង្កាត់ទួលសង្កែ ខណ្ឌឬស្សីកែវ។
ជនសង្ស័យទី២ឈ្មោះ រ័ត្ន រៀម ភេទប្រុស អាយុ៣៦ឆ្នាំ ស្នាក់នៅផ្ទះជួលម្តុំម៉ាស៊ីនទឹកស្អាត សង្កាត់ជ្រោយចង្វារ ខណ្ឌជ្រោយចង្វារ។ ដោយធ្វើការដកហូតបានថ្នាំញៀន០១កញ្ចប់។

សមត្ថកិច្ចខណ្ឌទួលគោកបានឲ្យដឹងថា នៅមុនពេលកើតហេតុ សមត្ថកិច្ចបានដាក់គោលដៅខាងលើ ដើម្បីពួនស្ទាក់និងការពារសន្តិសុខ សុវត្ថិភាពជូនប្រជាពលរដ្ឋ ក្នុងខណ:នោះក៏បានឃើញជនសង្ស័យទាំង២នាក់ជិះម៉ូតូម៉ាក ស្កូបពី ពណ៌ផ្កាឈូកពាក់ស្លាកលេខ ភ្នំពេញ 1AF-1416 ដោយមានការសង្ស័យទើបហៅឲ្យឈប់ដើម្បីត្រួតពិនិត្យ ហើយនៅពេលកម្លាំងឆែកឃើញថ្នាំញៀនជាប់ខ្លួនទើបឃាត់ខ្លួនតែម្តង។ ប៉ុន្តែ ទោះជាយ៉ាងណាក្តីជនសង្ស័យទី២ឈ្មោះ រ័ត្ន រៀម បានបដិសាធ ថារូបគេមិនពាក់ព័ន្ធនឹងករណីនេះទេ ពោលគឺគ្រាន់តែឌុបជនសង្ស័យទី១ឈ្មោះខឿន សុភក្ត្រ័ ទាំងមិនដឹងថា ជនសង្ស័យរូបនេះមានថ្នាំញៀនជាប់ខ្លួនផងទេ។

បច្ចុប្បន្នជនសង្ស័យទាំងពីរនាក់ កំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីសាកសួរនិងកសាងសំណុំរឿង បញ្ជូនខ្លួនទៅកាន់តុលាការចាត់ការតាមផ្លូវច្បាប់៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន