Post News Media ព័ត៌មានជាតិ ៤ឆ្នាំហើយ ដែល...

៤ឆ្នាំហើយ ដែលសម្ដេចឪ សម្ដេចតា សម្ដេចតាទួត ព្រះបិតាឯករាជ្យជាតិខ្មែរ បានចាកឆ្ងាយពីកូនចៅរបស់ព្រះអង្គ

ចែកចាយបន្ត

ភ្នំពេញ: នៅថ្ងៃទី ១៥ ខែតុលានេះ ជាថ្ងៃគម្រប់ខួប៤ឆ្នាំ ដែលសម្តេចឪ សម្តេចតា សម្តេចតាទួត ព្រះបិតាឯករាជ្យជាតិខ្មែរ ព្រះបាទសម្តេចព្រះ នរោត្ដម សីហនុ ព្រះអង្គបានសោយទិវង្គត នៅទីក្រុងប៉េកាំង ប្រទេសចិន។

ជារៀងរាល់ឆ្នាំនៅព្រឹកថ្ងៃទី១៥ ខែតុលា ថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាល និងមន្ត្រីអ្នកមុខអ្នកការគ្រប់ជាន់ថ្នាក់ ព្រមទាំងមន្ត្រីតាមបណ្តាក្រសួង ស្ថាប័ននានា អង្គការផ្សេងៗ និងប្រជាពលរដ្ឋ តែងតែចូលរួមក្នុងពិធីគោរពព្រះវិញ្ញាណក្ខ័ន្ធ ព្រះបរមរតនកោដ្ឋិ នរោត្តម សីហនុ នាព្រះមណ្ឌលតម្កល់ព្រះបរមរូប ជិតវិមានឯករាជ្យ រាជធានីភ្នំពេញ។

គួរបញ្ជាក់ផងដែរថា ប្រជារាស្រ្តខ្មែរទូទាំងប្រទេសនៅតែមានភាពក្ដុកក្ដួល និងសោកស្តាយឥតគណនា ដែលកម្ពុជាបានបាត់បង់ព្រះមហាវីរក្សត្រដ៍ឆ្នើមបំផុត រយ:ពេលឆ្នាំ ៤រួចមកហើយក្ដី តែអារម្មណ៍ប្រជារាស្ត្រខ្មែរ នៅតែចងចាំជានិច្ចនូវព្រះរាជកិច្ចដឹកនាំដ៏ឈ្លាសវ៉ៃរបស់ព្រះអង្គ ក្នុងកសាងប្រទេស និងដណ្ដើមបានឯករាជ្យពីពួកអាណានិគមបារាំង៕

photo_