Post News Media ព័ត៌មានជាតិ បើករថយន្តដូចហ...

បើករថយន្តដូចហោះ បោះពួយទៅបុកអ្នកជិះម៉ូតូស្លាប់២នាក់

ចែកចាយបន្ត

បាត់ដំបង: ​​មាន​ករណី​គ្រោះថ្នាក់​ចរាចរណ៍ ​​បង្កឡើង​ដោយ​រថយន្ត​​ ​បាន​ប្រើប្រាស់​ល្បឿន​លឿន​ទំនង​ជា​បាត់បង់​ម្ចាស់ការ និង​មិ​ន​អាច​គ្រប់គ្រង​​បាន​ ក៏​ជ្រុល​ចង្កូត​ទៅ​បុក​អ្នក​ជិះម៉ូតូ​ ​ពេញ​ទំហឹង ​បណ្ដាល​ឲ្យ​​មនុស្ស​ស្រី​ចំនួន​២​នាក់ ​​បាន​ស្លាប់​ភ្លាមៗ​ ​នៅនឹង​កន្លែង​កើតហេតុ។

ហេតុការណ៍​នេះ​ បាន​កើតឡើង​នៅវេលា​ម៉ោង ៥និង​២០ នាទីល្ងាច ​ថ្ងៃទី​១៣ ខែតុលា​ ឆ្នាំ​២០១៦ ត្រង់ចំណុចមុខ​វត្ត​អូរ​ស្បែក​ប្រើស ​ស្ថិតក្នុង​ភូមិ​ស្ពាន​ទំនាប ឃុំ​បួរ ស្រុក​ភ្នំព្រឹក ខេត្តបាត់ដំបង ​។

យោង​តាម​របាយការណ៍​របស់​សមត្ថកិច្ច​ បាន​ឲ្យដឹងថា​ នៅ​មុនពេល​កើតហេតុ​គឺ​ ​​រថយន្ត​បង្ក​ម៉ាក​កាមរី​ឆ្លាម ពណ៌​ឆ្លូញ ពាក់​ស្លាក​លេខ ភ្នំពេញ​2Q6874 ​បាន​បើកបរ​ពី​លិច​ទៅ​កើត ​​ស្ថិតក្នុង​ល្បឿន​យ៉ាង​លឿន ​ ​ក៏បាន​ឡើង​ជែង​ទៅលើ​ម៉ូតូ​មួយ​គ្រឿង ​ហើយ​ទំនងជា​ យក​ចង្កូត​មកវិញ​មិនទាន់ ​ ក៏​ជ្រុល​ទៅ​បុក​នឹង​ម៉ូតូ​មួយ​គ្រឿង​ម៉ាក​ស៊ុយ​ស៊ូ​គី ​ គ្មាន​ផ្លាក​លេខ​ ដែល​កំពុងធ្វើដំណើរ​ច្រាស់​ទិស​គ្នា បណ្តាល​ឲ្យ​ភាគី​ម៉ូតូ​ ​ជិះ​គ្នា​២​នាក់ បាន​ស្លាប់​ជា​បន្តបន្ទាប់ ។

ក្រោយពេល​កើតហេតុ នៅ​ពេលដែល​សមត្ថកិច្ច​មិនទាន់​មកដល់ ​ និង​ម្យ៉ាង​ទៀត​ដោយសារតែ​រថយន្ត​ បាន​ជ្រុល​ចង្កូត​ធ្លាក់​ផ្លូវ​ផង​នោះ​ ទើប​ធ្វើ​ឲ្យ​អ្នកបើកបរ​ រត់​គេចខ្លួន​បាត់ស្រមោល ​តែម្តង។ ​​ចំណែក​ជនរងគ្រោះ​​ មាន​ឈ្មោះ ព្រឿង ហ៊ីង​ ភេទ​ស្រី អាយុ​៤៧​ឆ្នាំ ​មុខរបរ​ធ្វើ​ចំការ ជា​អ្នក​បើកបរ​ម៉ូតូ ( ស្លាប់​នៅ​នឹងកន្លែង ) និង​អ្នករួមដំណើរ​ឈ្មោះ ​ជា មុំ ភេទ​ស្រី អាយុ​២៣​ឆ្នាំ ​ស្លាប់​ពេល​បញ្ជូន​ដល់​មន្ទីរពេទ្យ​ ដោយ​ជនរងគ្រោះ​ទាំង​២​នាក់ រ​ស់នៅ​ក្នុងភូមិ ​ឃុំ កើតហេតុ​ខាងលើ ។

​ក្រោយពេល​កើតហេតុ ​សមត្ថកិច្ច​បានធ្វើការ​ប្រគល់​សព​ទៅឲ្យ​ក្រុម​គ្រួសារ​ នាំយក​ទៅធ្វើ​បុណ្យ​តាម​ប្រពៃណី ​។ ដោយឡែក​ចំពោះ​មធ្យោបាយ​ធ្វើដំណើរ​ទាំងពីរ​គ្រឿង​ ក៏​ត្រូវបាន​នាំ​យកទៅ​រក្សាទុក​នៅ​អធិការដ្ឋាន​ជា​បណ្ដោះអាសន្ន ​រង់ចាំ​ធ្វើការ​ដោះស្រាយ​ជា​ក្រោយ ៕

image1

image2

image3

image4

image5

image6

image7

image8

image9